O PP di que é imprescindible para o sector pesqueiro que o regulamento sobre a PPC conteña as reivindicacións do sector

Nota de prensa

García Díez: “é imprescindible para o futuro do noso sector pesqueiro que a proposta de Regulamento sobre a PPC conteña as reivindicacións do sector pesquero”

• O cabeza de lista dos populares ó Congreso, xunto co tamén candidato Jaime de Olano, mantivo hoxe en Burela varios encontros com representantes do sector

Burela, a 6 de novembro de 2011.- Joaquín García Díez, cabeza de lista do Partido Popular ó Congreso, foi contundente na mensaxe que transmitiu ós profesionais do sector pesqueiro que hoxe acudiron as diferentes xuntanzas que mantivo con eles en Burela, e nas que participaron tamén, entre outros, Jaime de Olano, número dous dos populares á Cámara Baixa, José Manuel Balseiro e Rosa Quintana. “Non podemos aceptar que a España, sendo como é unha das primeiras potencias pesqueiras do mundo e un dos poucos sectores nos que somos líderes europeos, pretenda reducírselle á mínima expresión a súa actividade pesqueira”, dixo.

O que durante a pasada lexislatura foi voceiro de Pesca do Grupo parlamentario popular no Congreso asegurou que, aínda que agora non é tempo de mirar atrás senón de “buscar solucións” ós graves problemas ós que se enfronta o sector pesqueiro e “falar das propostas que para acadar este obxectivo leva o PP no seu programa”, hai que poñer “negro sobre branco” e dicir “a verdade” sobre a actuación realizada neste eido polo “goberno en funcións do que forma parte José Blanco”.

E algún dos “pecados” cometidos polos socialistas nestes algo máis de sete anos de goberno terán, segundo dixo, “difícil redención”. E un dos peores foi mostrarse débil na defensa dos intereses españois fronte a Unión Europea, sobre todo no que atinxe á reforma da Política Pesqueira Común.

En segundo lugar salientou a reducción nun 53,3% do orzamento adicado á política pesqueira dende o ano 2004, unha reducción que impediu que se puideran poñer en marcha plans completos para mellorar o sector, quedándose todo, segundo recalcou, “en parches” que, despois, “para colmo, “incumplíronse ou aplícáronse en sentido contrario ó previsto”.

O PP, asegurou García Díez, ten claro qué hai que facer: recuperar un sector que ten que estar chamado a contribuir á recuperación deste país e non a converterse nun lastre para a súa economía.

E esa recuperación pasa, segundo explicou, por mellorar a proposta de reforma da PPC. Hai que incorporar como sistema de control da actividad pesqueira e asignación de posibilidades de pesca o “esforzo pesqueiro”; lograr que a flota costeira artesanal dispoña dun réximen diferenciado; que a flota que faena baixo acordos de pesca non sexa discriminada; que se manteñan os acordos de pesca con cargo á financiación comunitaria; que os plantexamentos de alcanzar co tempo o RMS (Rendimento Máximo Sostible) nos caladeiros se axeite á situación de baixa rendabilidade do sector; que se contemple financiación comunitaria para a adecuación do axuste temporal e permanente da flota ás posibilidades da pesca; e que a OCM posibilite o sostenemento da renda dos pescadores.

Joaquín García amosouse convencido de que se Mariano Rajoy é o novo presidente do Goberno será “moi sensible ós problemas dos pescadores porque coñece ben o sector”. Unha sensibilidade da que xa deu gala cando dixo que no seu executivo haberá un Ministerio de Agricultura e Pesca, e que este tería o cometido de facer unha defensa firme dos nosos intereses pesqueiros en Bruselas, “para o que lle esixirá ó futuro ministro que pase máis tempo en Bruselas que en Madrid”.

Finalmente García Díez recordou que, a diferencia do programa do Partido Socialista, o programa do PP contempla un apartado específico dedicado á Pesca, “mostra da importancia que Rajoy concede a esta actividade”.