Nota de prensa
A CONCELLARÍA DE SAÚDE E SERVIZOS SOCIAIS PON EN MARCHA O PROGRAMA ENREDATE CON XEITO PARA EDUCAR E PREVIR SOBRE AS REDES SOCIAIS. VÁISE DESENVOLVER NOS CENTROS DE ENSINO SECUNDARIO E CONTARÁ COA PRESENZA DE JORGE CASTRO RUSO, AUTOR DE VARIOS BLOGUES QUE LEVA ANOS ADICÁNDOSE ÁS TECNOLOXÍAS DA EDUCACIÓN E DA INFORMACIÓN.
Ribadeo, 15 de novembro de 2011. A Concellaría de Saúde e Servizos Sociais, a través do Servizo de Prevención de Drogodependencias e Trastornos Adictivos, pon en marcha o programa EnREDatE con xeito co obxectivo de educar e previr sobre as redes sociais.
A edil Mª Teresa González Piñeiroa sinalou que “esta vez son a redes sociais as que nos ocupan (Facebook, Tuenti, Twitter…).Os destinatarios non son só @s moz@s senón tamén as familias e a veciñanza en xeral. Os nosos obxectivos con este programa son facer reflexionar @s moz@s sobre o tempo que adican a estas redes, formalos para que sexan conscientes da necesidade de protexer a intimidade na rede e animar ás familias a que se informen e usen estas ferramentas coma un medio de achegamento aos seus fillos e fillas. Trátase de explotar este potencial didáctico e social, pero coa prudencia que ofrece unha boa formación e información”.
A concelleira nacionalista explicou que “o traballo que imos facer para acadar isto é un breve audiovisual realizado polos propios alumn@s participantes, que, de esta maneira actuarán como mediadores (110 alumnos e alumnas de 1º e 2º de ESO dos centros de ensino secundario Sagrado Corazón, IES Dionisio Gamallo Fierros, e IES Porta da Auga)”. E engadiu que “contaremos coa inestimable axuda dos equipos directivos dos centros, dos departamentos de Orientación e sobre todo dos titores-as e dos alumn@s de 1º e 2º ESO, e tamén coa colaboración dun experto Jorge Castro Ruso, autor dos blogues Menores en red e Menores en rede, que leva máis de 20 anos traballando no eido da educación non formal e 3 adicándose especialmente ás tecnoloxías da educación e da información”.
O programa EnREDatE con xeito dará comezo o vindeiro 24 de novembro, González Piñeiroa manifestou que “rematadas as reunións entre os responsables dos centros de ensino e esta Concellaría, xa podemos dicir que o programa se atopa en marcha e que as datas previstas para ter a Jorge Castro Ruso entre nós son o vindeiro 24 de novembro e 2 de decembro. O noso agradecemento desde aquí pola súa inestimable colaboración”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
