Nota de prensa 1/2
ANTONIO VEIGA ASINOU HOXE O CONVENIO CO CONCELLO DE BARREIROS PARA A REHABILITACIÓN DA ESCOLA HABANERA DE SAN MIGUEL DE REINANTE
Investiranse 310.000 euros para rehabilitar esta antiga escola, recuperando un importante patrimonio cultural e optimizándoa para cumprir cun cometido social
Trátase dunha remodelación integral que afectará ao conxunto do inmóbel, creando nela unha sala multifuncional, salón de actos con escenario, sala de exposicións, oficinas e biblioteca
Lugo, 18 de novembro de 2011. O vicepresidente da Deputación de Lugo, o nacionalista Antonio Veiga, asinou no seu despacho esta mañá co alcalde do Concello de Barreiros, o convenio que permitirá, cun investimento de 310.000 euros, a remodelación integral da antiga escola habanera de San Miguel de Reinante. Antonio Veiga anunciou que se investirán “310.000 euros para rehabilitar esta antiga escola, recuperando un importantísimo patrimonio cultural e optimizándoa para cumprir cun cometido social, tal e como nos comprometemos cos veciños e veciñas”.
Segundo explicou Antonio Veiga, “a escola de San Miguel de Reinante é unha construción que data dos inicios do século XX, como as que abundan pola Mariña lucense e a Terra Chá, malia que destaca polo seu tamaño, con 700 metros cadrados de construción e 500 metros cadrados útiles, polo que se pode cualificar de modélica na súa construción e incluso no seu regulamento, xa que foi unha escola moi avanzada á época”. Veiga informou de que a actuación que sufraga a Vicepresidencia Primeira da Deputación trátase “dunha remodelación integral que afectará ao conxunto do inmóbel, creando nela unha sala multifuncional, salón de actos con escenario, sala de exposicións, oficinas e biblioteca, ademais dos correspondentes aseos e vestíbulos, e unha recepción con cafetaría”. Este investimento permitiralle ao Concello de Barreiros dispor dunha infraestrutura excelente para o desenvolvemento de actividades culturais, ao tempo que cumprirá unha función social xa que son moitas as asociacións culturais e veciñais que poderán empregar estas instalacións”.
Veiga explicou que o investimento de 310.775,80 euros para levar a cabo a remodelación da escola de San Miguel está integramente aportado pola Vicepresidencia Primeira da Deputación, con cargo aos orzamentos en tres anualidades: 125.000 euros en 2011; 95.000 euros en 2012, e 90.775,80 euros en 2013. “Con esta actuación recupérase un importante ben patrimonial ao mesmo tempo que se habilita para o uso da veciñanza, co que esta institución segue co seu compromiso en materia cultural e apoiando o tecido asociativo lucense, con investimentos que logran facer máis co mínimo gasto posible, executando unha política ao máximo de eficiencia”
Nota de prensa 2/2
HOXE ASINÓUSE NA DEPUTACIÓN DE LUGO O CONVENIO PARA A REHABILITACIÓN DAS ANTIGAS ESCOLAS DE SAN MIGUEL. ALFONSO FUENTE AGARDA QUE OS VECIÑOS POIDAN DISFRUTAR DAS REMODELADAS INSTALACIÓNS NO ANO 2013.
Ribadeo, 18 de novembro de 2011. O alcalde, Alfonso Fuente Parga, asinou hoxe na Deputación de Lugo xunto ao vicepresidente da institución, Antonio Veiga, o convenio para a rehabilitación das antigas escolas de San Miguel. Os traballos suporán un investimento de máis de 300.000 euros.
O rexedor sinalou que “hoxe na Deputación firmei o convenio para restaurar as escolas vellas de San Miguel de Reinante por importe de 310.000 euros. Fíxeno en compañía dos dous deputados provinciais, Antonio Veiga do BNG, e José Manuel Gómez Fuente do PP”.
Fuente Parga dixo que “este era un tema no que levamos traballando meses para conseguir a financiación. O vicepresidente da Deputación, Antonio Veiga, sempre se mostrou disposto a levar adiante este proxecto. Houbo atrancos, o Concello tivo que facerse propietario dese edificio dado que proviña dunhas antigas escolas da Asociación Hijos de San Miguel y Reinante e entón coa firma do convenio culmina o traballo conxunto que viñemos realizando e que poderán disfrutar todos os veciños de San Miguel”.
O alcalde barreirense indicou que “é un tema que nos chega agora, é moi necesario. Eu entendo que todas as parroquias deben ter un local axeitado e moderno para poder desempeñar as súas tarefas, un local no que poderen reunirse e precisamente nunha das parroquias de maior poboación como é a de San Miguel de Reinante carecían deste local”. Fuente Parga subliñou que “imos axilizar a adxudicación das obras, que se desenvolverán durante o ano 2012 e penso que a principios de 2013 se poderá disfrutar deste edificio remodelado”.
Exposición
A Biblioteca Pública Municipal acolle desde hoxe a exposición fotográfica Entorno e lembranzas. Trátase dunha recopilación de fotos sobre as xentes, as actividades e o entorno de Barreiros. Vaise poder visitar ata o 30 de decembro na propia Biblioteca de luns a venres en horario de 10 a 14 horas e de 17:30 a 19:30 horas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
