Nota de prensa
O programa Km0 inclúe esta semana rutas por Sober, Samos, Pedrafita do Cebreiro e Ribadeo
– Tres colectivos culturais, dous colexios e un grupo procedente do Centro Penitenciario de Monterroso coñecerán ou redescubrirán lugares de interese paisaxístico e monumental destes 4 concellos
– As saídas comezaron hoxe coa visita que dúas asociacións culturais procedentes dos Concellos de Baralla e Barreiros, farán ós Concellos de Sober e Samos
O Deputado de Economía do Coñecemento, Emprendedores e Innovación, José Ramón Val, recibiu hoxe na Deputación ós integrantes de dous colectivos formados por membros de dúas Asociacións Culturais da nosa provincia e que grazas a esta iniciativa do organismo provincial, que conta co apoio das institucións europeas, descobren as riquezas da provincia dun xeito diferente e innovador.
48 membros da Asociación Cultural “Airiños do Neira”, procedentes de Baralla, tras seren recibidos na Deputación e visitar o INLUDES, partiron cara Sober para levar a cabo unha ruta en barco polos Cañóns do Sil, tras o almorzo que se lles ofreceu nun restaurante da zona. A xornada rematou cunha visita ás Adegas Regina Viarum, onde gozaron dun agasallo, en forma de degustación dos seus caldos e de produtos gastronómicos típicos da zona.
O Concello de Samos foi o destino da Asociación Cultural “Hijos de San Miguel de Reinante”, de Barreiros, 55 integrantes desta Asociación visitaron un obradoiro no que se fabrica a famosa oleiría de Bonxe e xa pola tarde, tras dar un paseo polas ribeiras do Río Sarria, achegáronse a coñecer a Capela do Ciprés e o Mosteiro de Samos.
O mércores, 55 presos do Centro Penitenciario de Bonxe, acompañados dalgúns dos traballadores deste Centro, viaxarán ata o Concello de Pedrafita do Cebreiro. A súa ruta comezará coa visita a unha oleiría de Bonxe, tras a que partirán cara a Montaña luguesa. Xa no Concello de Pedrafita farán unha ruta de sendeirismo que os levará ata o primeiro fito do Camiño Francés e a Santa María la Real. Continuarán a súa camiñata cunha subida ata o Monte da Cruz. O mesmo día, outro grupo de 55 veciños da Asociación de San Mamede de Guntín, partirán cara a Mariña para dar un paseo en barco pola ría de Ribadeo, admirar as vistas dende o ascensor panorámico e rematar o día cun paseo polas rúas do casco histórico e unha visita ó Mosteiro das Clarisas.
O KM0 do mes de decembro comezará coas visitas que o xoves farán rapaces do CEIP da Bretoña o os do Instituto da Pinguela, de Monforte de Lemos.
Os 48 alumnos do colexio pastoricense farán unha ruta que os levará ata a costa. No Concello de Ribadeo, terán a oportunidade de dar un agradable paseo polos areais das Catedrais e o dos Castros. Despois coñecerán os traballos das cetáreas de Rinlo e rematarán o día gozando coa actividade do aeródromo de Vilaframil.
Pola súa banda, 24 rapaces do IES monfortino terán ocasión de participar nunha programación que ofrece o KM0 Xtreme: deslizarse nunha tirolina. Tamén terán tempo para aumentar os seus coñecementos sobre a historia da nosa provincia coa visita que farán ó Castro de Viladonga.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
