O concello de Viveiro acondiciona o entorno da fonte da Cova Caída e o aparcamento do local de ensaio en Celeiro

Nota de prensa

CONCELLO DE VIVEIRO
ÁREA DE OBRAS, CULTURA E TURISMO
CONCELLERÍA DE OBRAS, SERVIZOS PÚBLICOS E MAR
NOTA DE PRENSA 01/12/2011
“O Concello de Viveiro, acondiciona o entorno da fonte da Cova Caída e o
aparcamento do Local de Ensaio en Celeiro”
“A actuación realízase iniciativa da Delegación de Obras que dirixe o Tenente de
Alcalde de Viveiro, o nacionalista Bernardo Fraga, coa financiación íntegra da
Deputación de Lugo, mediante o equipo de riego que coordina no Concello de
Viveiro o Concelleiro de Medio Rural Jesús Fdez. Cal”
Esta semana, veñen de rematar os traballos de execución da mellora do entorno da Fonte da
Cova Caída e do Local de Ensaio de Celeiro. A actuación realizada a iniciativa da Delegación de
Obras do Concello de Viveiro, que dirixe o Tenente de Alcalde Bernardo Fraga Galdo, consistiu
na limpeza do entorno da antiga Fábrica de Rivas, a colocación dun firme de grava, para a
posterior realización de varias capas de riego asfáltico nun ancho de estrada de 8 metros, así
como a realización dunha zona de aparcamento frente ao local de ensaio, e frente a antiga
fábrica.
Os traballos foron posibles coa financiación da Deputación de Lugo, mediante a aportación do
equipo de riego asfáltico, que coordina en Viveiro o Concelleiro de Medio Ambiente Jesús
Fdez, de material para os traballos, e a posta a disposición de persoal da Delegación de Obras
e da Delegación de Medio Ambiente de Concello de Viveiro.
Bernardo Fraga declarou “os traballos van dirixidos a mellorar un entorno que se atopaba en
mal estado, debido a falta de limpeza, e con numerosos baches xa que non dispoñía dun firme
en condicións. O lugar é utilizado por moitas veciñas e veciños de Celeiro que circulan todos os
días para recoller auga na Fonte da Cova Caída. Ademais agora, co remate do campo de
fútbol, a actuación permite circular con seguridade en todo o contorno da área dotacional de
Lavandeiras, e garante unha zona de aparcamento para a escola de idiomas frente a antiga
fábrica, e para os usuarios do local de ensaio de Celeiro, frente a este edificio”.