Nota de prensa
A Deputación completa esta semana as auditorías para renovar a certificación ambiental ISO 14001 en 14 praias da Mariña
– O Concello de Burela decidiu descolgarse dun proxecto que ten un custe cero para os municipios e grazas ó que os areais mariñanos son un referente de calidade e España
– Ribadeo, Viveiro e Foz aspiran a manter o prestixioso distintivo, que leva consigo importantes beneficios como a implantación de melloras continuas nas praias en canto a xestión de residuos, limpeza e servizos, e a promoción exterior
A Deputación completará esta semana os traballos de auditoría para renovar a certificación ambiental ISO 14001 en 14 praias da Mariña, un proceso que ten un custe cero para os Concellos, pois a institución financiarao ó 100%, como xa fixo o pasado ano para a implantación deste prestixioso selo de calidade. Viveiro, Ribadeo e Foz manteñen o seu compromiso con este proxecto, mentres que o de Burela, tras participar en tódalas reunións previas ó inicio das auditorías, decidiu descolgarse a última hora, antes de comezar ditas tarefas. O Concello do Vicedo tamén se desvinculou, neste caso xa en outubro, antes de comezar o proceso para renovar o certificado. Deste xeito, a non ser que asuman o custe con fondos propios, ambas entidades locais perderán o distintivo que lograron o pasado ano para seis areais, tres bureleses –A Marosa, O Portelo e Ril- e tres vicedenses – Xilloi, Abrela e Areagrande-.
Aínda que os Concellos se comprometeran a asumir os custes das auditorías necesarias para renovar a ISO 14001, que deben facerse cada ano, a Deputación tomou a decisión de financiar esta primeira avaliación, tendo en conta a delicada situación económica pola que atravesan as administracións locais. Deste xeito, a institución lucense afórralles 7.300 euros a cada un dos municipios participantes, reforzando a súa aposta por que as praias mariñanas sexan un referente de calidade en España e, ó mesmo tempo, potenciando a súa liña de cooperación e asistencia ós municipios da provincia.
Boas perspectivas
Un equipo de traballo desenvolve as auditorías dende mediados de outubro e, a falta de sabelas conclusións, a Deputación ten boas perspectivas e confía en que todos os areais renovarán a certificación de calidade, dado o alto grao de implicación dos Concellos e dos seus técnicos para cumprir cos requisitos esixidos. Tendo en conta que as avaliacións rematarán nesta última semana de novembro, a Deputación cumprirá cos prazos esixidos para renovala certificación, desenvolvendo unha xestión eficiente e amosando o seu compromiso coa Mariña e o seu sector turístico. Trala baixa do Vicedo e Burela, as praias que serán sometidas a exame son 14:
– Ribadeo: As Catedrais e Os Castros
– Foz: Areoura, Llas, Peizás, As Polas, A Rapadoira, Os Xuncos, Alemáns, Pampillosa e Arealonga
– Viveiro: Covas, Area e Sacido
Beneficios medioambientais, de imaxe e económicos
Este tipo de recoñecemento, concedido segundo a normativa europea EMAS, leva consigo tres tipos de beneficios directos para os Concellos. Por un lado, ambiental, un dos máis visibles, pois o selo implica a incorporación de melloras continuas nos areais. Deste xeito, as entidades locais que este ano renoven o certificado aplicarán actuacións que contribúan a optimizar a limpeza e a xestión de residuos das praias, así como melloras doutros servizos ós usuarios. Por outra banda, un beneficio de imaxe, dada a promoción que leva consigo, xa que as praias con este distintivo figuran nun rexistro oficial da Administración Autonómica ó que teñen acceso a cidadanía en xeral e os operadores turísticos. Así mesmo, abre portas á participación en feiras e salóns turísticos, e permítelles ós municipios distinguidos diferenciarse da competencia neste tipo de certames, mellorando o seu posicionamento ante a sociedade. Por último, leva consigo un beneficio económico, pois coa optimización da recollida de residuos, as entidades locais acaban reducindo custes e tamén o risco de recibir sancións por irregularidades medioambientais.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
