Ribadeo estreará iluminación de Nadal que lle custará ao concello o 50% menos que a doutros anos

Nota de prensa

RIBADEO ESTREARÁ EN BREVE A SÚA ILUMINACIÓN DE NADAL. FERNANDO SUÁREZ SUBLIÑOU QUE LLE COSTARÁ AO CONCELLO O 50% MENOS QUE A DOUTROS ANOS.

Ribadeo, 2 de decembro de 2011. Ribadeo estreará en breve a súa iluminación de nadal, segundo anunciaba esta mañá o alcalde. Fernando Suárez subliñou que lle costará ao Concello o 50% menos que a doutros anos.

O rexedor anunciou que “nestes vindeiros días procederemos ao encendido do alumeado de nadal, despois de que a empresa contratada polo Concello remate a súa instalación”.

Suárez Barcia dixo que “é unha iluminación diferente que vai a costar o 50% menos que outros anos, síguea a pagar o Concello de Ribadeo e neste caso alumearemos a travesía, a rúa Rodríguez Murias e a rotonda do Xardín, entre outros puntos”. O alcalde engadiu que “vemos con bós ollos que os comerciantes repartan luces, que costean eles, entre os seus asociados para que adornen os seus escaparates, pero no que ten que ver coa iluminación pública é o Concello o que a costea, aínda que reducimos drásticamente o gasto destinado a este fin”.

Fernando Suárez insistiu que “o alumeado de nadal costará o 50% menos que outros anos. Preferimos recortar nestas cuestións que noutras de maior calado social e agardo que os vecinos nos saiban entender”