Nota de prensa:
O ALCALDE DE CERVO CUALIFICA DE “INDECENCIA” A ACTITUDE DOS VOCEIROS DA OPOSICIÓN
Pide explicación aos nacionalistas polo seu cambio de postura no pleno da Deputación especto da petición municipal de solicitar do órgano provincial a retirada da sanción de 20.000 euros por permitir colocar varios postes xunto a unha vía provincial
Tamén lle recrimina á voceira socialista Lara Méndez a súa “covardía política” por absterse no pleno de Cervo e votar en contra desta sanción no pleno provincial
Esta “hipocrisía política” de BNG e PSOE amosa realmente cal é o comportamento dos representantes destes dous partidos que simultanean o seu cargo provincial coa responsabilidade pública no Concello de Cervo.
Cervo, 2 de decembro de 2011.- O alcalde de Cervo, Alfonso Villares, valorou hoxe en Lugo o contido da votación celebrada o mércores no pleno da Deputación con respecto ao recurso presentado polo Concello de Cervo contra a imposición dunha multa de 20.000 euros por permitir colocar varios postes xunto a unha vía provincial.
Para o rexedor cervense, o posicionamento amosado durante o pleno polos grupos que forman o Goberno da Deputación amosa realmente cal é o comportamento dalgúns representantes políticos “que simultanean o seu cargo provincial coa responsabilidade pública no Concello de Cervo”.
BNG e PSOE a favor de que se sancione a tódolos veciños de Cervo
O alcalde lembrou que no pleno de Cervo os Grupos Municipais do PP e BNG votaran a favor de que a Deputación retirara devandita sanción; mentres que os socialistas cervenses abstivéronse. Para Villares, sorprende ver como no pleno do mércores o BNG provincial troca o posicionamento do seu partido en Cervo e vota en contra da retirada da sanción; e recordou que o voceiro nacionalista en Cervo, Xoán Antón Estúa, é tamén asesor do BNG na Deputación.
Alfonso Villares valorou en términos semellantes a actitude da vicepresidenta da Deputación e voceira socialista na corporación local. “A señora Lara Méndez, abstívose no pleno municipal; e sen embargo, na Deputación votou a favor de que todos os veciños do Concello de Cervo sexan sancionados cunha multa de 20.000 euros. Por iso, non podo máis que amosar a miña sorpresa e a miña decepción por esta actitude de covardía e de hipocrisía política que adoitan a ter os representantes do PsdeG e do BNG de Cervo” recriminou o mandatario local.
O alcalde dixo que no caso de materializarse definitivamente esta sanción, o actual equipo de Goberno provincial será o primeiro “que capitanee” unha sanción económica en contra dun dos concellos da súa provincia. “En toda a historia da Deputación nunca acontecera tal situación, pero o que é aínda máis triste é que isto vai ter lugar co apoio de dúas persoas que forman parte da corporación cervense e que teñen cargos de responsabilidade política dentro do Goberno provincial. Un Goberno provincial -continuou- que en lugar de apoiarnos e axudarnos, parece que só lle interesa sancionar e multar aos veciños de Cervo; pero nós, dende o Concello, ratificámonos en que defenderemos os intereses dos nosos veciños diante de calquera e ata onde faga falta”.
ALFONSO VILLARES CREE QUE A ACTITUDE DOS SOCIALISTAS NO PLENO DE ONTE SO TIÑA POR OBXECTO AGOCHAR O SEU PROCEDER NA DEPUTACIÓN EN CONTRA DO CONCELLO
Cervo, 2 de decembro de 2011.- O alcalde de Cervo, Alfonso Villares cualificou de “vergoñenta” a actitude amosada no pleno de onte pola voceira do grupo municipal socialista, Lara Méndez. “Foi unha pena que non houbera máis veciños presenciando a sesión, porque así poderían constatar o que alí pasou e o comportamento de cada un das persoas que interveñen nos debates” dixo o rexedor.
Segundo Villares, a voceira socialista amosou no transcurso do debate dunha moción do BNG referida á tarxeta sanitaria do Sergas “unha continua falta de respecto e de educación cara a institución municipal e a tódolos veciños de Cervo; algo que non se entende vindo dunha persoa que leva xa varios anos en política e que representa a unha administración pública”. Sostivo que tivera que pedirlle a Méndez en máis de cincoque se cinguira ao punto de debate (a tarxeta sanitaria), “e non só fixo caso omiso das miñas peticións, se non que me chegou a dicir que ía a falar do estaba falando; o que provocou que eu me vira obrigado a retirarlle a súa quenda de intervención” asegurou o rexedor, quen matizou que en ningún momento se lles expulsou da sala.
Estratexia premeditada
Segundo o alcalde, a decisión de abandonar o pleno obedece a unha estratexia premeditada polo Grupo Socialista para tentar agochar a posición adoptada por eles na Deputación, onde votaron en contra dos intereses do municipio. “O que pretendía onte a señora Méndez coa súa actitude arrogante non era máis que camuflar outras vergonzas, como a que tivo que pasar hai uns días no pleno da Deputación, onde votou a favor de que se executara unha sanción de 20.000 euros en contra dos veciños de Cervo. Ese é realmente o único motivo da súa falta de respecto no pleno” recalcou Villares.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
