O PP de Ribadeo considera que o apagado da luz non é de abondo para garantir a sostibilidade do sistema

Nota de prensa

O APAGADO DA LUZ NON É DE ABONDO PARA GARANTIR A SOSTENIBILIDADE DO SISTEMA.

O Grupo Municipal do PP no Concello de Ribadeo considere insuficentes as medidas adoptadas polo Goberno Municipal para encarar a grave situación de crise económica pola que atravesan as arcas municipais estando en perigo o pago de prestacións básicas como son as nóminas do persoal do Concello, ou a prestación de servizos sociais básicos tales como a asistencia e a axuda a domicilio, ou o pago do alumeado público…, grave situación da que non se vai poder saír se, dende a Administración Municipal non se adoptan, e dunha vez por todas, medidas de xestión eficaces e eficientes, que garantan unha administración austera e rigorosa, dende a que se racionalice o gasto publico priorizando uns servizos e unhas inversións sobre outras.

Medidas como “o apagado da iluminación do Concello”, aínda que se empece pola casa de un, non deixan de ser actuacións de cara á galería, trala que se oculta a verdadeira incapacidade do Alcalde e o seu equipo de goberno para administrar e xestionar a cousa publica, e da que, contrariamente ao que se nos pretende facer ver, non se vai a obter un grande aforro para o erario público, e da que, paradóxicamente, si pode derivarse un incremento da inseguridade cidadán na nosa vila.

Se ben é certo que a crise económica ven afectando de igual xeito en tódolos ámbitos, incluídos os Concellos, non é menos certo que, a día de hoxe, a situación non é igual de constrinxente para todos, por canto que, mentres dende algunhas Administracións Municipais dende fai tempo se veñen adoptando medidas de xestión dos recursos públicos eficaces e eficentes para facer fronte a esta situación e garantir o sostemento dos seus erarios, dende Concellos como o de Ribadeo, ata de agora, non se fixo nada nese senso, senón que vense xestionando de xeito inútil e ineficaz, dándolle a espalda á realidade, o que se traduce nun agravamento da situación económica dos nosos veciños mediante o incremento das taxas e os impostos municipais ou incluso mediante a aprobación de novas imposicións.

O Grupo Municipal do PP fai tempo que lle ven esixindo ao Alcalde de Ribadeo que adopte as medidas necesarias para garantir a sostenibilidade das arcas municipais, de xeito que permita facer fronte as obrigas de pago contraídas con terceiros e sobre todo que permita garantir a prestación de servizos esenciais para a nosa comunidade, e sen que isto repercuta na economía dos veciños e veciñas, o cal pasa, prioritariamente, por un recorte tanto dos gastos do persoal e asistencias técnicas contratados ao servizo da Alcaldía e do equipo de Goberno así como por un recorte noutras inversións, que, aínda que puideran estar xustificadas, o certo é que resultan prescindibles, e o seu custo económico poderíase destinar a garantir a prestación de aqueles servizos asistenciais dos que, de ningún xeito, se pode prescindir por canto garanten a calidade de vida dos nosos veciños e veciñas. Neste senso, cumpre suliñar que, na derradeira Sesión de Pleno, cando o Alcalde, a propósito do Plan Concertado de Servizos Sociais da Xunta de Galicia, someteu a consideración da Corporación a súa proposta para entaboar novas accións xudiciais, dende o Grupo do PP pedímoslle que evitara novas contendas xudiciais e que evitara xerar novos gastos innecesarios para o Concello, e que destinara tanto eses cartos así como parte das partidas económicas que foran incluídas nos presupostos municipais para executar outras inversións, a facer fronte ás necesidades en servizos sociais cuxa prestación vese ameazada polos recortes económicos, requerimento que foi contestado e rexeitado iradamente dende as bancadas do equipo de goberno, polo que o Grupo Municipal do PP vese obrigado a lembrarlles que cando se trata de xestionar os caudais públicos débense priorizar uns gastos e unhas inversións sobre outros, garantindo a prestación prioritaria dos servizos sociais básicos, e só cando estos servizos mínimos estean asegurados e fortalecidos é que dende o Concello se pode plantexar a execución doutros proxectos e doutras inversións, que, por necesarias que sexan, seguramente poden esperar para a súa execución a mellor momento.