Nota de prensa:
Xose Manuel Barreiro, presidente provincial do PP de Lugo fixo balance da actividade do partido desenvolvida durante o ano que ven de rematar
O PP na provincia de Lugo organizou ata sete foros sectoriais sobre temas tan diversos como sanidade, educación, servizos sociais ou muller
Barreiro explica que ten unha importancia vital seguir a liña emprendida de fortalecemento do partido e de creación de estas e outros actos chamados a potenciar a participación interna, o debate e a xeración de ideas.
Lugo, XX de xaneiro de 2011.- O presidente do Partido Popular na provincia de Lugo, Xose Manuel Barreiro, quixo facer balance da actividade desenvolvida por esta formación política durante o ano que vén de rematar e que significou en termos electorais un dos períodos nos que os populares teñen acadado un maior éxito nos últimos anos.
“Está claro que os lucenses deron o seu respaldo maioritario ao Partido Popular” -explicou Barreiro- “agora cómpre responder con moito traballo e dedicación á confianza que depositaron en nos e, neste obxectivo, ten unha importancia vital a liña emprendida durante o 2011 de fortalecemento do partido e de creación de estruturas internas de participación, debate e xeración de ideas”
Barreiro significou que o PP de Lugo desenvolveu ata sete foros sectoriais en materias tan diversas como a educación, os servizos sociais, a violencia de xénero, a sanidade ou o papel da muller na vida pública, que serviron como punto de encontro entre diversos membros do goberno da Xunta e edís, afiliados, simpatizantes e outros cargos públicos do Partido Popular na provincia de Lugo.
O presidente provincial tamén indicou que de xeito puntual, e co obxecto de abordar asuntos de interese que foron xurdindo, desenvolvéronse distintas xuntanzas sectoriais nas que se estudou desde a nova lei de augas, ata o balance da lexislatura socialista no Goberno central, os orzamentos da Xunta na anterior e actual anualidade ou unha reunión con traballadores sanitarios ante as novidades introducidas na xestión da Consellería de Sanidade.
Barreiro tamén explicou que desde o PP lucense convocáronse cada dous meses reunións da súa Xunta Directiva nas que se procuraba a presenza dalgún conselleiro co obxecto de adiantar as liñas desenvolvidas polo seu departamento. Tamén contouse coa prensenza de Alberto Núñez Feijóo quen co-presidiu estas xuntanzas despois de cada un dos procesos electorais acontecidos no 2011.
O presidente provincial do PP de Lugo adiantou que esta formación política “ampliará máis -se cabe- cada un destes espazos de participación, que enriquecen a vida interna do partido ao obxecto de reforzar o compromiso con esta provincia”.
Barreiro aposta tamén por dar traslado periódico ata a cidadanía de todas as xestións que se desenvolvan no ámbito das novas responsabilidades de goberno. “A idea é manter un proceso de contacto continuo coa cidadanía. Un proceso que irá nunha dobre dirección. Por unha banda a necesaria rendición de contas sobre o traballo desenvolvido nas distintas cámaras por cada un dos cargos públicos lucenses, e pola outra un proceso permanente de recepción de ideas, suxestións e inquedanzas que nos permitan empaparnos, facernos eco e capitanear as principais reivindicacións e necesidades dos lucenses”
O presidente popular significou finalmente a importancia das reunións de coordinación que el presidirá e que terán lugar con periodicidade mensual e nas que participarán os distintos cargos públicos no Parlamento de Galicia, Deputación, Congreso e Senado. Segundo Barreiro serán un instrumento moi útil para impulsar a actividade do partido e trasladar propostas en positivo para o conxunto da provincia.
Finalmente o secretario xeral deu algúns datos que dan mostra do intenso traballo desenvolvido ata o momento, no que o PP na provincia de Lugo levou a cabo a constitución e renovación de 41 comités locais, 9 reunións comarcais coa totalidade dos concelleiros electos, oito congresos -entre eles o de Novas Xeracións-, 79 actos de presentación de candidaturas, varias convencións, e unha multitude de mitines e actos electorais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
