Nota de prensa
Panificadora 1-2 Marcón de Pontevedra
A pesar das baixas, o Panificadora plantou cara ao Marcón de Pontevedra, un dos equipos destacados da categoría, dominando o encontro de punta a cabo, pero sen o suficiente acerto nos metros finais ante a portería rival (1-2).
A presión que exerceu o equipo ribadense desde o primeiro minuto sobre o rival deu os seus froitos no minuto 3, por mediación de Elvira, ao bater a meta visitante, Helena, de tiro raso desde o bordo da área. Dous minutos máis tarde, ao saque dunha falta coa que dubidosamente o colexiado sancionou o Panificadora, supuxo o empate ao aproveitar Alicia o rexeite de Carla.
Transcorría o minuto 11 cando Nuria, en xogada persoal, se desfixo do seu marcador e se presentou soa ante Helena; esta derrubouna na súa saída, nunha acción que moi ben puido ser a expulsión da porteira coa súa correspondente falta, pero o colexiado non sancionou. A xogada á contra con Nuria polo chan facilitou ás de Pontevedra unha superioridade numérica para conseguir de novo Alicia o 1-2, resultado co cal se chegou ao descanso.
O marcador quedou inamovible na segunda metade aínda que o Panificadora o puxo todo e seguiuno intentando encerrando o rival na súa parcela, creando numerosas ocasións e con balóns á madeira, pero o gol resistíuselles ás xogadoras de Martínez. Os minutos finais foron de total abafo para o equipo visitante, que se viu totalmente superado polas ribadenses.
Con este encontro finaliza a primeira volta do campionato de Autonómica e haberá xornada de descanso na próxima fin de semana, o que lle virá moi ben ao equipo ribadense para recuperar algunha das súas xogadoras lesionadas.
O próximo encontro do Panificadora será de novo en Ribadeo o día 21, ante o Concello de Mos, segundo clasificado.
Provincial feminina. As mozas do Xoula golearon 8-2 ao Relúa de Xermade. Os goles locais foron conseguidos por Ana, Yoli, Elvira (2), Sabela, Elena (2) e Carla Bolaños. A próxima fin de semana as ribadenses desprazaranse a Becerreá.
Provincial masculina. Logo da xornada de descanso, o equipo ribadense viaxará a Abadín na próxima fin de semana.
Ficha técnica
Panificadora do Eo-Ribadeo FS: Carla, Elvira, María, Elena e Nuria, cinco inicial; tamén xogaron Ana, Sabela, Toñi, Arancha e Antía.
Marcón FSF: Helena, Bea, Laura, Jennifer e Marta Vázquez, cinco inicial; tamén xogaron Alicia, Marta Casalderrey, Sara, Alba, Patricia e Carla.
Árbitros: Benjamín Rivas Fouz e Javier Mogo Torrado, da delegación de Lugo. Mostraron cartóns amarelos a Alicia e Laura, polo Marcón, e a María, polo Panificadora.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
