Nota de prensa:
A COMISIÓN PRO RESIDENCIA DA TERCEIRA IDADE MANTERÁ UN ENCONTRO ESTA TARDE EN SAN CIBRAO COA DELEGADA TERRITORIAL DA XUNTA. O ALCALDE, FERNANDO SUÁREZ, CONSIDERA QUE TODAS AS ADMINISTRACIÓNS DEBEN BUSCAR ALTERNATIVAS E SOLUCIÓNS A ESTA IMPORTANTE DEMANDA.
Ribadeo, 24 de xaneiro de 2012. A comisión pro residencia da terceira idade para Ribadeo manterá un encontro esta tarde coa delegada territorial da Xunta na provincia de Lugo. O alcalde, Fernando Suárez, lembrou que a xuntanza foi solicitada co conselleira de Traballo e Benestar, que onte estivo na Mariña, pero dixo que a Raquel Arias lle farán chegar as impresións e inquedanzas de dita comisión da que forman parte os grupos políticos do Concello de Ribadeo e unha plataforma que aglutina a diversas asociacións veciñais.
O rexedor explicou que “esta tarde manteremos esa xuntanza entre esta comisión, formada por representantes dos diferentes grupos da Corporación Municipal e da plataforma de asociacións veciñais, coa delegada territorial da Xunta, Raquel Arias. Nesta comisión traballamos conxuntamente para que Ribadeo conte cunha residencia da terceira idade”.
Ao encontro “acudimos con toda a animosidade, con toda a ilusión e con toda a determinación, aínda que a entrevista unánimemente a temos plantexado diante da conselleira de Traballo e Benestar, que onte estivo na Mariña. Hoxe reunirémonos coa delegada territorial sen ser satisfactorio para nós, dado que queremos manter esa entrevista coa conselleira, pero a ela como representante da Xunta na provincia de Lugo transmitirémoslle con toda a determinación e con todo o ánimo constructivo as nosas impresións”, sinalou Fernando Suárez Barcia.
O alcalde ribadense considera que “temos que buscar alternativas e solucións entre todas as administracións, sabendo que a situación económica é difícil, pero tamén que a evolución demográfica de Ribadeo e a falla dunha residencia pública fáinos que todos teñamos que achegar o hombro desde os diferentes partidos, visións e administracións para buscar o fin conxunto e o fin común de conquerir unha residencia da terceira idade pública para Ribadeo”.
O encontro entre a comisión pro residencia e a delegada territorial da Xunta será ás 20 horas en San Cibrao.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
