Nota prensa
O COLECTIVO CULTURAL OLLOMAO CELEBROU A ASEMBLEA ANUAL NA QUE SE RENOVOU A XUNTA DIRECTIVA E SE PRESENTOU A PROGRAMACIÓN PARA O 2012.
Barreiros, 26 de Xaneiro de 2012. O Colectivo Cultural Ollomao vén de celebrar a súa Asemblea anual na que se presentou a proposta de actividades para o ano 2012 e se renovou a Xunta Directiva, tal e como correspondía dacordo cos Estatutos do colectivo.
A nova Directiva está presidida por Tamara Rubiños Varela, que xa formaba parte da anterior Directiva, ao igual que Camilo Friol Piñeiroa, Antonio García Río e Ana Ermida Igrexas, que tamén a acompañan na formación da nova Directiva. Como incorporacións, aparecen Xoán Antonio Fernández Sante e Marcos Fernández Fernández. “A nova Directiva supón a incorporación de xente nova á mesma de cara a poder abarcar máis ámbitos da vida cultural do concello. Para todas as persoas que formamos parte da Directiva, e da propia asociación, é fundamental que un concello coma Barreiros conte cun referente cultural claro e se dote dunha actividade cultural diversa e continuada que, ademais, poida realizarse en calquera parroquia. Entendemos a cultura como un dereito das persoas. Por iso hai que facilitar o acceso á mesma e achegala a cada veciña e a cada veciño, con independenza da mobilidade que poidan ter”, asegurou a nova presidenta, “por iso, acreditamos en que un colectivo coma o noso ten moito traballo por facer e é un instrumento clave para lograr unha oferta cultural acaída ás necesidades de Barreiros.”
Actividades para o 2012.
Ademáis de presentar o correspondente informe anual, foi presentada tamén a proposta de actividades para o presente ano 2012. Entre estas actividades, figuran a segunda edición do certame fotográfico “Enfocando Barreiros”, así como a creación dun grupo de afeccionadas e afeccionados á fotografía, de dentro e fóra do concello, que realizarán rutas para o coñecemento e a posibilidade de retratar espazos singulares do concello da Barreiros.
Tamén prevén a realización da segunda edición das Xornadas de Historia Local, a organización de eventos de música e cultura galega, así como a conmemoración de datas sinaladas como o antroido, as letras galegas, os magostos ou outros eventos relevantes no calendario galego. Prevén pechar o ano, ao igual que se fixo no 2011, coa visita do Apalpador.
Dende a Directiva de Ollomao sinalan “que neste ano 2012 pretenden ampliar as relación con outras asociacións e colectivos do concello, de cara a facer unha axenda de actividades complementaria e lograr así unha mellor e máis completa oferta cultural para as veciñas e veciños de Barreiros”, sinalou Tamara Rubiños. “A mellor forma de lograr que Barreiros conte cunha programación cultural axeitada é dar participación ás veciñas e veciños, polo que consideramos que unha actuación coordinada con outras formacións, é o mellor xeito de logralo.”
Dende o Colectivo sinalan que irán dando cumprida conta das actividades a desenvolver para que poidan participar todas as persoas interesadas, tanto no desenvolvemento das actividades como na súa preparación.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
