Nota de prensa
Os bos rexistros de palanadores participantes nos abertos de billarda da conferencia NorLeste da LNB, non se viron alterados no derradeiro finde polas ameazas de intenso frio, polo contrario, o sábado dia 4 en Meira poidemos disfrutar dos raios do sol e de unha agradable temperatura que nos permitiu a disputa do “III aberto do Lacón” en terrero aberto. A parte de atrás da praza do convento foi o lugar donde se montaron as dúas pistas de xogo habituais que permitiron un discurrir axil e vistoso das carreiras.
Cincoenta e catro participantes desta volta, dos que doce eran donas, se citaron para a disputa da pata do porco. Foi esta unha xornada na que os homes se tomaron cumplida venganza da aldraxe sufrida en Castro de Riberas de Lea e reclamaron para sí a hexemonía no xogo da billarda copando os postos de honra no podio.
Boa xornada para o Spartak de Muimenta que comandados por Charli e ca incorporación de novos valores nomeadamente Tino e Miguel dan un salto de calidade e acadan a súa máxima puntuación nun aberto.
Outra das sorpresas agradables da tempada, os Troitas Bravas de A Pontenova, seguen na estela dos Remourelle Bulls os que nas tres derradeiras xornadas foron quen de lles recortar doce puntos na loita polo terceiro posto. Terceiro posto que abandoan os Batea moi mermados de efectivos nesta xornada.
Pola súa parte os tropa lixeira (“M de Meira”), seguen turrando cara arriba, conseguiron por equipos a segunda máxima puntuación e o seu capitan Nacho fixo pleno quedando 2º no desempate final por trás do intratable Markytos.
Discreta actuación do resto dos equipos, Ekipa-Bitere, Pau de toxo, Cadaval, Madia leva e Corredoira. Tamen Os Outros estiveron floxos e abandoan a cabeza da táboa en favor dos trunfadores da xornada. Os Billardeiros Musicais pasaron como verdadeiro tsunami arrasando no seu paso toda a serra de Meira e malia os enfrentamentos directos que o sorteo lles deparou nesta ocasión, non deron trégola os rivais. A volta o equipo de xente que tiñan de baixa notouse favorablemente no seo xogo. Algúns por malmeter dixeron que Julio xogaba con dous paláns, mais non é certo, so fixo uso dun palán, o outro e un caxato no que se apoia por mor do xeonllo mancado.
Como equipo os Billardeiros Musicais bateron rexistro de puntos nunha xornada (35 de 40 posibles). Markytos e Julio conseguiron pleno, quedando en primeiro e terceiro lugar respectivamente, o que convirte o subcampion nacional Markytos no novo lider con tres puntos de vantaxe sobre Reyes.
Soamente foron superados no apartado de varados, no que Eric de Os Outros conseguiu facer dous e polos Billardeiros Daniel so fixo un.
Os premios repartironse desta maneira:
Un queixo San Simón da Costa para o mellor equipo, os Billardeiros Musicais
Un queixo San Simón da Costa para o 3º, Julio dos Billardeiros Musicais.
Un queixo San Simón da Costa e xogo de palan-billarda gravado para o 2º, Nacho de M de Meira.
Un Lacón e monteira de Campión para o 1º, Markytos dos Billardeiros Musicais.
Daquela a clasificación queda c omo segue:
Por equipos, Billardeiros Musicais son primeiros con 214 puntos, Os Outros segundos con 211 puntos e Remourelle Bulls terceiros con 176 puntos.
En individuais trocan posto de novo Markytos e Reyes.
Markytos 59 puntos. Reyes 57 puntos. Daniel, Eric e Guille 54 puntos.
En varados tamen hai troco na cabeza: Eric 7, Guille 6, Charli 5, Markytos 3 e con 2 varados estan Daniel, Ivan, Luis, Manolo e Xan Rodiño.
Deixamos constancia de que O tsunami dos Billardeiros trasladouse o domingo a Coruña donde Daniel e Franco quedaron 1º e 2º na 7ª xornada da conferencia Noroeste disputada en Vilaboa-Culleredo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
