Nota de prensa
Máis de 1.500 rapaces de 30 centros educativos coñeceron o patrimonio da provincia no último ano grazas ás rutas de Km0
– A iniciativa da Deputación esperta o interese dos colexios e institutos como recurso didáctico para amosar ós alumnos os valores culturais e naturais de Lugo, así como as súas características socioeconómicas
– 230 persoas participarán nas rutas desta semana, que discorrerán polos Concellos de Chantada, Palas, Guntín, Viveiro e Sober
O programa Km0.Deputación de Lugo esperta o interese dos colexios e institutos lucenses como recurso didáctico para amosar ós alumnos os valores do patrimonio cultural e natural da provincia, así como as características do seu tecido socioeconómico. Proba dese interese é a cantidade de estudantes que participaron no último ano na iniciativa: máis de 1.500 rapaces de 30 educativos, dos que na súa gran maioría (24) foron colexios de primaria e o resto, institutos de secundaria. Houbo algúns casos que incluso repetiron experiencia, como foron o CEIP de Foz, o colexio Frei Luis de Sarria, o CEIP Otero Pedrayo de Rábade e o IES A Pinguela de Monforte.
Os itinerarios escollidos foron moi variados, dende o eucaliptal de Chavín ou a ría de Ribadeo, ata as pallozas do Cebreiro, O Piornedo, o mosteiro de Samos, a olería de Bonxe, Monforte, O Courel ou as Lagoas de Cospeito. Os centros que se anotaron nos itinerarios entre xaneiro de 2011 e xaneiro de 2012 pertencen a 19 Concellos e son os seguintes: CEIP A Gándara e IES A Pinguela de Monforte; CEIP de Foz; María Auxiliadora, IES A Piringalla, CEIP Menéndez Pelayo, CEIP de Casás, CPR Cervantes de Lugo; IES de Quiroga; CEIP de Chantada; CEIP de Riotorto; CEIP de Outeiro de Rei; IES Dionisio Gamallo Fierros de Ribadeo; CEIP de Taboada; Colexio Frei Luis e CEIP Antonio Fernández de Oural, en Sarria; CEIP Otero Pedrayo de Rábade; CEIP de Lourenzá; CEIP do Corgo; CEIP de San Clodio de Ribas de Sil; CEIP Lagostelle de Guitiriz; CEIP Vista Alegre de Burela; IES de Monterroso; IES Vilar Ponte de Viveiro; CEIP de Cervantes; CEIP Currelos do Saviñao; Colexio Sagrado Corazón de Ribadeo; CEIP de Bretoña; CEIP de Barreiros e CEIP de As Nogais.
Itinerarios por 5 concellos
En canto á programación desta semana, participarán 230 persoas en 5 rutas, que discorrerán polos Concellos de Chantada, Palas, Guntín, Viveiro e Sober. A primeira tivo lugar hoxe pola Serra do Faro. Un grupo de 24 persoas que se anotaron de xeito individual visitaron o Centro de Interpretación Terras do Miño e, xa en Chantada, as igrexas de Bermún, Requeixo e Mouricios, para finalizar cun paseo pola Serra do Faro. A comida tivo lugar na casa de turismo rural chantadina As Casas.
Para mañá mércores están previstos dous itinerarios, un polos municipios de Palas e Guntín, do que gozarán 48 usuarios do Centro de Convivencia Maruja Mallo de Lugo, e outro por Viveiro, que farán 55 membros da Asociación de Veciños de Tardad, en Vilalba. No primeiro caso, a viaxe comezará no Centro de Interpretación Terras do Miño e continuará en Pambre cunha visita ó Castelo da localidade. Trala comida, que terá lugar no restaurante Parada das Bestas, os participantes achegaranse á igrexa de Vilar de Donas, á Queixería Castelo, e ó Mosteiro de Ferreira de Pallares, en Guntín. No caso dos veciños de Tardad, coñecerán o Centro de Artesanía e Deseño (CENTRAD) da Deputación para visitar seguidamente en Viveiro a lonxa de Celeiro, o monte San Roque e o obradoiro Regal Cerámica.
As últimas rutas da semana son o xoves e terán como destino a Zona Sur e A Mariña. Por unha banda, un grupo de 48 usuarios do Centro Social de María Inmaculada de Lugo desprazarase ó Centro de Interpretación Terras do Miño e, tras comer no restaurante Parada Dos de Sober, fará unha travesía en catamarán. Por outro lado, 55 integrantes da Asociación de Pensionistas y Jubilados (UPD) de Baleira coñecerán as instalacións da Fundación TIC. Despois, viaxarán a Viveiro para comer no restaurante Val do Naseiro, visitar a igrexa de Santa María do Campo e pasear polo casco histórico -con paradas nos restos da Muralla e a Porta de Carlos V- e pola praia de Covas.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
