Nota de prensa
A Fundación TIC potencia a difusión dos campionatos de baristas que acollerá o instituto de Foz entre os días 14 e 15
– Alumnos do segundo curso da Escola de Imaxe e Son gravarán o V Campionato Internacional de Baristas de Escolas de Hostalería e o IV da Rexión Noroeste SCAE España, nos que participarán 15 centros de Galicia, Asturias, Cantabria e Portugal
– O Deputado de Economía do Coñecemento destacou que o instituto focense é “un referente en España” nesta especialidade profesional, o que prestixia a imaxe da Mariña e amplía as posibilidades de inserción laboral dos mozos
– José Ramón Val entregou en Mondoñedo á asociación Abrindo Camiño 500 copias dun DVD elaborado pola Escola de Imaxe sobre a xornada cultural A Noite de Merlín organizada polo colectivo mindoniense en decembro
O Deputado de Economía do Coñecemento, Emprendedores e Innovación e patrono da Fundación TIC, José Ramón Val; o Alcalde focense, Javier Jorge Castiñeira; o director do IES de Foz, Nemesio Rodríguez; e o coordinador dos certames, José Ríos, presentaron esta mañá no centro educativo focense o V Campionato Internacional de Baristas de Escolas de Hostalería e o IV Campionato de Baristas Región Noroeste SCAE de España, que se celebrarán os vindeiros días 14 e 15 de febreiro, no propio instituto.
A TIC impulsará a difusión destes eventos, xa que os alumnos do segundo curso dos ciclos de Produción e Realización da Escola de Imaxe e Son (EIS) da Fundación TIC, que depende da Deputación, realizarán a gravación íntegra de ambos os dous campionatos, o que permitirá a reprodución simultánea das demostracións dos participantes nunha pantalla. Posteriormente, os estudantes da EIS editarán un DVD, que se entregará ós responsables do IES de Foz para divulgalos certames.
José Ramón Val deu os seus parabéns ó instituto mariñano por esta iniciativa, grazas á que Foz é un “referente en España nesta especialidade profesional, o que prestixia a imaxe da Mariña e do resto da provincia, e amplía as posibilidades de inserción laboral da xente moza. Aquí na Mariña temos exemplos de que esta pode ser unha boa saída laboral”. O Deputado subliñou neste senso que os campionatos de baristas contribúen a “dignificar e potenciar a figura do profesional do café, desterrando a idea de que para preparar un bo café non é necesario ter coñecementos nin aptitudes”. “Referirnos a un barista como unha persoa que se encarga de preparar e servir cafés, sería como dicir que un sumiller é o encargado de abrilas botellas do viño no restaurante”, engadiu o Deputado.
No V Campionato Internacional de Baristas participarán 15 Escolas de Hostalería de Galicia, Asturias, Cantabria e Portugal. As demostracións darán comezo as 9.00 horas do vindeiro martes, día 14 e prolongaranse o longo de toda a mañá, para rematar as 15.00 horas coa entrega de premios. O mércores, día 15, terá lugar o IV Campionato de Baristas da Región Noroeste SCAE, Asociación Europea de Cafés Especiais, de España, na que se darán cita doce profesionais da hostalería de todo o pais. O longo das dúas xornadas haberá demostracións de Latte Art a cargo de ex alumnos do IES de Foz e degustacións de café gratuítas.
Colaboración intercentros
A colaboración entre a TIC e o instituto de Foz é froito dun convenio entre ambas entidades e ten como finalidade promocionar no exterior as ensinanzas de hostalería que se imparten no IES mariñano, ó tempo que os estudantes do único centro da provincia que imparte ciclos da familia do audiovisual completan a súa formación. A gravación forma parte da programación de prácticas reais da Escola de Imaxe e Son de Lugo, nas que os alumnos dispoñen dos medios técnicos necesarios para desenvolver un traballo profesional que contribúa a súa inserción laboral.
A Noite de Merlín
Por outra banda, José Ramón Val fixo entrega hoxe, no Salón de Plenos do Concello de Mondoñedo, de 500 copias do DVD sobre A Noite de Merlín a Luis Fernández Ansedes, o presidente da asociación mindoniense Abrindo Camiño, organizadora da xornada cultural celebrada o pasado 17 de decembro.
Bolseiros e estudantes da Escola de Imaxe e Son de Lugo realizaron o traballo audiovisual, que consta de dúas partes: a primeira recolle a representación teatral baseada na obra de Álvaro Cunqueiro Merlín e Familia, que se representou en diversos escenarios da localidade de Mondoñedo, e a segunda dá conta das conferencias impartidas durante o encontro. A presentación do dobre DVD terá lugar o vindeiro domingo, día 12, ás 19:00 horas, no Auditorio Municipal Pascual Veiga de Mondoñedo. Con esta colaboración, a Fundación TIC contribúe á promoción do encontro co fin de manter viva a lembranza da maxia cunqueriana e difundir a riqueza cultural da provincia, ó tempo que incrementa a experiencia práctica dos alumnos e bolseiros da EIS de Lugo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
