Nota de prensa
A Deputación non aumentou os gastos de persoal, senón que os reduciu en máis de 10,3 millóns de euros nos últimos anos
– Martínez aclarou que a institución non creou novos postos de traballo senón que substituíu, mantendo a mesma dotación salarial, os de Vicesecretario e Asesor Técnico polos de Director de Asesoría Xurídica e Letrado Asesor Adxunto, “non supoñendo nin un só euro máis en persoal”
– O voceiro explicou que non hai duplicidade de postos porque as competencias son distintas e que estes cambios atenden á crecente carga de traballo da área de Asesoría Xurídica ós Concellos
– Logo de aprobar esta modificación no Pleno e ser levada a varias Mesas de Negociación, contando co acordo maioritario dos Sindicatos, “a señora Candia pronúnciase agora, quizais pola súa inexperiencia, ingorando que estes cambios xa se trataron no seu momento”
O voceiro provincial socialista, Manuel Martínez, aclarou este venres que a Deputación non aumentou os gastos de persoal senón que os reduciu en máis de 10,3 millóns nos últimos anos, Logo das declaracións da voceira provincial do Partido Popular, Elena Candia, coas que “terxiversa e manipula a información”. Martínez salientou que a institución luguesa non aumentou o número de postos de traballo senón que substituiu dous dos existentes. Trátanse dos de Vicesecretario e de Asesor Técnico que, coa mesma dotación salarial, pasan a ser Director de Asesoría Xurídica e Letrado Asesor Adxunto. É dicir, remarcou o socialista, “estes cambios non supoñen nin un só euro máis en persoal, o custe desta modificación é cero”.
Non se trata, polo tanto, da creación de novos postos, senón que, ante a xubilación do anterior Vicesecretario da Corporación e a amortización do posto de Asesor Técnico, a institución cubrirá estes postos co persoal de marcado perfil xurídico para atender a crecente carga de traballo que rexistra o departamento de Asesoría Xurídica debido ós servizos que prestan os letrados provinciais ós Concellos ante a ausencia de persoal cualificado nos Consistorios. Isto conleva, ademais, un aforre de custes ás arcas municipais ó non ter que optar a contratacións externas.
Martínez destacou que non hai duplicidade de postos, como mantén o PP, xa que non teñen nada que ver as competencias do Secretario da Deputación, propias dun funcionario con habilitación de carácter estatal, coas dun Asesor Xurídico. “O Secretario, que xa non vai a contar coa axuda dun Vicesecretario, non pode asumir as tarefas de asesoramento xurídico porque ten responsabilidades dabondo na institución e os Concellos cómpren dun servizo áxil”, remarcou.
Consenso cos Sindicatos
Esta modificación de postos de traballo foi aprobada, inicialmente, por acordo Plenario de 29 de novembro de 2011 e, definitivamente, na sesión de 31 de xaneiro de 2012, despois de ser levada ás Mesas Xerais de Negociación do 4, 10 e 16 de novembro, onde tamén foron acordadas pola maioría dos representantes sindicais. O voceiro socialista subliñou que, logo de tratar este asunto en varias ocasións nas que o PP tivo opcións de presentar alegacións, “a señora Candia pronúnciase agora, quizais pola súa inexperiencia, ignorando que estes cambios xa se trataron no seu momento”.
Política de aforro
Martínez subliñou que estes cambios na denominación e funcións dos postos sinalados, non varían a política de aforro que leva poñendo en práctica o actual Goberno Provincial, visible nos Orzamentos da Deputación. No ano 2011, reducíronse os gastos de persoal en máis de 10 millóns de euros. A estas cifras hai que sumar unha nova redución de preto de 300.000 euros, recollida nos Presuposto de 2012. Parte deste aforro procede da redución dun 20% dos asesores con respecto ó pasado mandato, aínda que os dependentes da Presidencia se reduciron aínda máis (un 30%). A partida para o funcionamento dos membros do equipo de Goberno Provincial se recortaron nun 25%, e incluso os soldos do Presidente o do equipo de Goberno están conxelados dende o 2010, moito antes da entrada en vigor do Real Decreto de Redución de Déficit Público.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
