CERVO.- O PP de Cervo remitiu unha nota na que acusa aos membros de ADEGA e LUGO PATRIMONIO de encudarse nas súas asociación para “xogar a facer política Barriobaixeira”, lembrándolles que o concello informou da posible presenza dun castro na zona da Atalaia no ano 2005 e que Patrimonio foi quen autorizou a construción nesa zona.
NOTA DE PRENSA.
Os populares lémbranlle unha vez máis a estes colectivos que o Concello informou da posible presenza dun castro na zona da Atalaia no ano 2005 “e Patrimonio foi o que finalmente autorizou a construción nesta zona”
O PP DE CERVO ACUSA AOS MEMBROS DE ADEGA E LUGO PATRIMONIO DE ESCONDERSE TRALAS SÚAS ASOCIACIÓNS PARA “XOGAR A FACER POLÍTICA BARRIOBAIXEIRA”
Cervo, 29 de xullo de 2008.- O Partido Popular de Cervo quere saír ao paso das criticas verquidas polos responsables dos colectivos Adega, Lugo Patrimonio feitas hoxe na capital da provincia en relación ás licencias concedidas para a construción dunhas vivendas na zona da Atalaia de San Ciprián.
Para a formación popular cervense, o anuncio destes colectivos de presentar un recurso de revisión das licencias urbanísticas dadas polo Concello na área no que presuntamente se atopa un xacemento arqueolóxico non é máis ca mostra de que estas tres asociacións “están formadas por personaxes que se dedican a facer política barriobaixeira escondidos tralas siglas das súas respectivas asociacións có único obxectivo de tentar dinamitar e atacar ao goberno local”.
Segundo os populares de Cervo, con este tipo de actos os dous colectivos fan de “correa de transmisión” das consignas que lles veñen impostas dende a Consellería de Cultura e do Bloque “para tentar eludir a responsabilidade que ten Patrimonio e a Consellería de Cultura en todo este sinsentido”.
Nese senso os representantes do PP en Cervo aseguraron que o Concello foi a única administración que actuou con responsabilidade en todo este tema e lembraron que a Consellería de Cultura é a única con competencias na materia “e con técnicos capacitados” para preservar e prohibir a edificación a zona; “e sen embargo foi precisamente Cultura quen permitiu o levantamento dos permisos para que se continuaran as obras” aseguraron. Tamén recordaron que as licencias foron concedidas polo Concello aplicando a fórmula de edificabilidade máis restritiva; e que os permisos foron revisados por Patrimonio e Urbanismo “e ningunha das dúas administracións puxeron ningún tipo de problema ao respecto”.
Ademais, os populares cualifican de falsas as acusacións contra do Concello por non informar de que na zona existían restos arqueolóxicos. “O propio concello comunicoullo a Xunta no ano 2005 e así o recoñeceron os técnicos de Patrimonio nun informe emitido nunha das súas visitas á zona” aseguran.
Para os populares, a cerrazón das criticas destes colectivos contra do Concello amosa “ben ás claras” que o único que perseguen é danar ao equipo de Goberno local a calquera prezo “ao tempo que tentan por todos os medios eximir de responsabilidade á única administración que ten toda a culpa do que está a acontecer”, en clara referencia á Xunta e á Consellería de Cultura. Na súa opinión, as asociacións ecoloxistas céntranse agora “nun feito puramente formal e de pouco peso”, que en modo algún variaría o problema fundamental: a construción dun edificio nunha zona onde presuntamente hai restos de interese arqueolóxico. “Con estudo de detalle, ou sen el, o certo é que a día de hoxe a finca estaría liberada para construír nela; e polo tanto, con estudo ou non o castro está a correr perigo” sinalaron.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
