PARA CONSUMAR SEN NOS CONSUMIR
14 de febreiro: por un San Valentín máis ecolóxico
O día dos namorados e namoradas debería ser un día para disfrutar da parella, pero este mundo consumista, e as tendas que nos rodean eclipsan con corazóns e color rosa o verdadeiro significado desta data. É entón cando a maioría da sociedade polo simple feito de ter unha parella vese case obrigada a mercar agasallos que moitas veces poden ter graves repercusións.
Varios colectivos na cidade de Santiago de Compostela saen á rúa o día 14 de febreiro para denunciar os excesos e as consecuencias dun día onde parece máis importante consumir que amar. Amarante, Equisol e Panxea (organizacións de comercio xusto e consumo responsable), A Gentalha do Pichel (organización social para a defensa da lingua e da cultura) e ADEGA (Asociación ecoloxista) reúnense para denunciar os excesos e consecuencias das compras desta data baixo o lema: Para consumar sen nos consumir.
Un dos máis socorridos regalos para a nosa parella pode ser unha “simple” caixa de bombóns. Pero sabemos de onde ven ese cacao? quen o produce? como se comercializa? quen se beneficia coa súa venda? Neste negocio máis de 300.000 nenos e nenas traballan recolectando cacao en África Occidental en condicións perigosas e de escravismo. Alén diso son poucas as multinacionais que controlan o prezo, os salarios e case a totalidade do mercado do cacao (Nestlé, Mars, Hershey Foods, Kraft e Cadburys).
Outro dos agasallos tradicionais son os ramos de flores (rosas na súa maioría). Hoxe en día milleiros de toneladas de flores abandonan cada día países pobres e explotados como son Ecuador, Colombia ou Kenia, refrixeradas en avións cara os países consumidores (Rusia, Estados Unidos e Europa). Ao mercar estas flores estamos favorecendo o emprego de pesticidas e funxicidas que contaminan acuíferos e lagoas a miles de km de distancia. Por outra banda con esta compra tamén colaboramos coa explotación de miles de mulleres que gañan o prezo dun só ramo por un mes de traballo.
Algunhas persoas con máis poder adquisitivo optan por agasallar xoias. Dende sempre os diamantes son o símbolo do amor eterno, pero, alén de favorecer prácticas pouco sostibles como pode ser a minería a ceo aberto, tamén agochan un mundo de tráfico e irregularidades no seu comercio. Centos de millóns de dólares que xorden do comercio ilícito de diamantes en algúns países africanos van a parar a mans da guerrilla e dos exércitos que practican o troco de diamantes por armas.
Co obxectivo de denunciar e concienciar á sociedade ante estas explotacións e inxustizas silenciadas, os colectivos antes citados reuniranse o día 14 de febreiro, na praza do Toural (Compostela) ás 17:00 da tarde para falar coas namoradas e cos namorados. Nesta xornada haberá degustación de chocolates, obradoiro de flores con material de refugallo, proxección de documentais, e espazo para o debate. Preténdese dar alternativas como pode ser o chocolate de comercio xusto, as flores de comercio xusto, ou de viveiros locais e próximos ou incluso flores artesanais; a alternativa nos diamantes serán aqueles que teñan certificación da súa orixe. Outras alternativas moito máis válidas serán os agasallos non materiais como unha cea romántica, un paseo nun lugar bonito, ou escribir un lindo poema.
Consumir xusta e responsablemente é a mellor opción, pero sobre todo ter en conta que nesta data estar namorado ou namorada e demostralo é moito máis importante que consumir!
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
