Nota de prensa
A ÁREA DE DEPORTE DESTINA 630.000 EUROS EN AXUDAS A ENTIDADES DEPORTIVAS E A CONCELLOS EN 2012
Mario Outeiro afirmou que “se manteñen todas as liñas de axuda de convocatorias anteriores e, fronte aos recortes doutras institucións, mantense o mesmo orzamento que o ano pasado para as entidades deportivas, 500.000 euros”
Coas cifras desta convocatoria na man, Mario Outeiro afirmou que “a Deputación de Lugo é o sostén do deporte de base no conxunto da provincia”
Lugo, 23 de febreiro de 2012. O delegado de Cultura e Turismo da Deputación de Lugo, o nacionalista Mario Outeiro, presentou hoxe no salón de actos do Pazo de San Marcos as bases da convocatoria das axudas en materia de deportes para este ano 2012, dirixido a entidades deportivas así como a concellos, para o que a Área de Deportes destinará, nesta ocasión, máis de 600.000 euros. Coas cifras desta convocatoria na man, Mario Outeiro afirmou que “a Deputación de Lugo é o sostén do deporte de base no conxunto da provincia”
As axudas ascenderán concretamente a 630.000 euros, dos cales 500.000, unha gran parte do orzamento e exactamente a mesma cifra que o ano pasado, irá destinado para as entidades deportivas da provincia, “que potencian a descentralización do deporte, fomentan actividades saudables no tempo de lecer, así como a creación de emprego e a dinamización económica” afirmou Mario Outeiro. Neste caso, as entidades poderán solicitar axudas para a actividade competitiva, ata un máximo de 8.000 euros, axudas para a organización de eventos deportivos, ata un máximo de 4.000 euros, e axudas para actividades deportivas non competitivas, ata un máximo de 8.000 euros.
Os 130.000 euros restantes serán para os concellos, dos cales 80.000 euros irán dirixidos a investimentos e adquisición de equipamentos, e 50.000 destinaranse para gastos correntes de promoción deportiva. No primeiro caso os concellos poderán solicitar ata 6.000 euros para investimentos, e ata 3.000 euros para equipamentos; e no segundo caso poderán solicitar ata 2.500 euros para a organización de eventos puntuais, e ata 5.000 euros para a organización de actividades ao longo do ano.
Mario Outeiro fixo fincapé en que “se seguen mantendo as liñas de axuda para deportes, non como ocorre noutras administracións, nomeadamente a Xunta de Galiza, onde este tipo de axudas desaparecen e onde non se fai un esforzo financeiro para manter as liñas de axuda para o tecido asociativo, mentres que nós si que facemos contas para que as entidades deportivas dispoñan da mesma cantidade orzamentaria”.
O delegado de Cultura e Turismo congratulouse pola “celeridade e o bo facer dos traballadores e traballadoras da Área de Deportes, xa que estas axudas resólvense na primavera, co que as entidades deportivas teñen tempo suficiente para programar as súas actividades, algo moi diferente co que ocorre coas convocatorias doutras administracións como a Xunta de Galiza, cando anteriormente desde esta institución se convocaban axudas deste tipo, xa que as eliminou en 2011”.
As bases desta convocatoria saíran publicadas no BOP o 1 de marzo, polo que as entidades e os concellos poderán solicitar este tipo de axudas deportivas no prazo dun mes empezando a contar a partir do día seguinte da súa publicación.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
