Nota de prensa
O BNG MARNIÑAO E ORGANIZACIÓNS SINDICAIS REUNÍRONSE NA MAÑÁ DE HOXE EN VIVEIRO PARA ANALIZAR AS CONSECUENCIAS DA NOVA REFORMA LABORAL
Para os nacionalistas esta reforma “converte en despido libre a relación contractual entre o asalariado e o empresario”
Os nacionalistas presentáronlle aos sindicatos a súa solidariedade nas mobilizacións sociais
Viveiro, 29 de febreiro de 2012. Os nacionalistas e as organizacións sindicais compartiron unha mesma análise sobre as consecuencias que no mercado de traballo vai ter a entrada en vigor da nova reforma laboral na medida en que “converte en despido libre a relación contractual entre o asalariado e o empresario. Se antes esta relación era de despido barato, a día de hoxe os traballadores quedan sen ningún tipo de protección”, afirmou o vicerresponsable do BNG da Mariña, Xoán Antón Estúa García
Os nacionalistas consideran que “o novo marco das relacións laborais o único que vai provocar é o aumento do desemprego así como a perda de poder adquisitivo para os traballadores e traballadoras. Lonxe de ser unha solución aos problemas da comarca, este marco normativo convértese nun problema engadido. A experiencia das antigas reformas laborais o que nos indican e que estas o único que pretenden é baixar os salarios e deixar en coiros en materia de dereitos ás maiorías sociais”.
Na mesma xuntanza, nacionalistas e sindicatos analizaron a problemática específica da crise na nosa comarca do que é un dato revelador o feito de que o desemprego aumentou un 100% desde o ano 2008 ata a data de hoxe. “A Mariña sitúase por riba da media estatal e tamén da galega no ámbito da destrución do emprego, encabezando esta estatística non os sectores ligados á promoción ou á construción, senón a propia industria. Se antes da crise o tecido industrial da Mariña era xa minúsculo, cunha elevada exposición ó ladrillo, que representaba o 18% do PIB, no momento actual o tecido industrial semella xa un recordo do pasado” afirmou Estúa.
Xa por último, os nacionalistas indicaron que “cómpre demandar das diferentes administracións un cambio de rumbo en materia de política económica que debe pasar por situar o emprego como eixo central de actividade e que se debe concretar nun plan de reindustrialización da Mariña que teña en conta a necesidade de diversificación da actividade para diminuír a dependencia fronte a Alcoa, unha garantía por parte do goberno do Estado a fin de facilitar ó complexo alumineiro un réxime de tarifas que lle permita competir nos mercados internacionais, e por último plans de acompañamento social para aqueles concellos máis golpeados pola crise.
Os nacionalistas aproveitaron a xuntanza para presentarlle aos sindicatos a súa solidaridade nas mobilizacións sociais.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
