Nota de prensa
O Concello de Cervo, Alcoa e a comunidade de montes Bidueiras colaboran nun proxecto de reforestación de bosque autóctono
-O proxecto desenvólvese no monte de Bidueiras nun área de 6.500 metros cadrados
-As actuacións xa comezaron coa corta de eucaliptos e a retirada das raíces
-Nas vindeiras semanas procederase á plantación de árbores de especies como o carballo, o bidueiro ou teixo
Cervo, 29 de febreiro de 2012-O Concello de Cervo, a empresa Alcoa e a comunidade de montes Bidueiras están traballando conxuntamente nun proxecto de mellora forestal que consiste en converter un eucaliptar situado no monte de Bidueiras nun bosque autóctono. En concreto, o ámbito de actuación atópase nun monte de man común de case 6.500 metros cadrados de superficie que se atopa nun área próxima á Igrexa parroquial de Cervo.
O proxecto xa está en marcha e comezou hai uns meses coa corta dos eucaliptos existentes nese terreo. A actuación máis recente produciuse entre esta semana e a pasada, cando tivo lugar o destoconamento das cepas de eucalipto, é dicir, a retirada das raíces para evitar o rebrote das árbores. O seguinte paso a dar nesta iniciativa será a reforestación da área coa plantación manual de árbores de especies autóctonas propias do bosque atlántico como bidueiros, carballos ou teixos entre outras. Uns traballos que está previsto que se desenvolvan nas vindeiras semanas e nos que participarán escolares do municipio cervense, voluntarios de Alcoa e un grupo de expertos na materia.
Esta mesma semana reuníronse os representantes das distintas entidades colaboradoras no proxecto para avanzar nel e perfilar a data dos traballos de reforestación, que tal e como destacou o alcalde de Cervo, Alfonso Villares “terán un impacto moi positivo na paisaxe do noso concello a medio e longo prazo”. Cabe destacar que o futuro bosque autóctono está situado sobre a Igrexa parroquial, uns terreos visibles dende a entrada á vila de Cervo. O rexedor e a concelleira de Medio Ambiente, Begoña Alonso, deron as grazas tanto á empresa Alcoa, que financia o proxecto, como á comunidade de montes Bidueiras, a titular do terreo, “por compartir unha filosofía de respecto e coidado do noso medio natural e de recuperación das especies arbóreas da Mariña que lle devolvan ao municipio a súa paisaxe propia”.
Lembrar que se trata do segundo proxecto de mellora forestal no que colaboran o Concello e a comunidade de montes Bidueiras. Na anterior ocasión a reforestación foi financiada pola Xunta e realizárase nunha superficie de 6 hectáreas de monte.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
