Nota de prensa
ÉXITO DA I RUTA DOS VIÑOS DE FOZ QUE CONTINÚA ATA O 1 DE ABRIL EN TRINTA E CINCO LOCAIS.
Foz, 2 de marzo de 2012. Ata o vindeiro 1 de abril segue en Foz a I Ruta dos Viños que organiza a Asociación de Comerciantes, Industriais e Autónomos. Na cita póñense en xogo 1.200 euros en vales de compra.
Os clientes dos 35 locais participantes poderán selar as súas tarxetas nestes establecementos ata o 1 de abril e entrar no sorteo de 1.200 euros en vales de compra para gastar neses locais ao longo das vindeiras semanas. Para participar no sorteo deberán ter os selos dos 35 bares, mesóns e restaurantes que se dan cita nesta I Ruta dos Viños de Foz. Hai un premio de 500 euros, un premio de 300 euros e catro de 100 euros cada un, todos eles en vales de compra para gastar nos locais hostaleiros participantes nesta nova iniciativa de ACIA Foz. O sorteo será o 27 de abril e poderáse seguir en directo por Radio Foz.
O presidente de ACIA Foz, José Carlos Paleo, sinala que “a ruta está a ter unha boa acollida. De feito hai xa xente que percorreu a totalidade dos bares participantes e xa entregou a súa tarxeta para participar no sorteo”. Paleo engade que “queda prácticamente un mes para poder disfrutar desta ruta e conseguir todos os selos e o que é máis importante entrar no sorteo dos premios que poñemos en xogo, que sempre son benvidos polos afortunados”.
Os locais que se dan cita na I Ruta dos Viños de Foz son: A Bodega de Mari, A Caracola, A Funcional, A Maseira, A Bolera, A Ribeira, Acuario, O Chícaro, O Taco, Dallas, Happy Days, May-Ros, Xoyma, Anduriña, A Eskina, O Rincón de Anita, Fina, Internacional, O Fogar do Pelolo, Portovello, Express, O Norte, Leytón, O Tangarte, O Tangarte Mariñeiro, O Náutico, Namarinos, A Soalta, pizzería Xoiña, O Atabal, As Brasas, Dandy, O Mar, O Lar e Portochico.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
