NOTA DE PRENSA:
O PPdeG acredita documentalmente o fracaso da Xunta do bipartito á hora de aplicar a lei de dependencia na nosa comarca
UNHA GRAN DEPENDENTE DE LOURENZÁ LEVA PRETO DE OITO MESES DE ESPERA PARA RECIBIR OS SERVIZOS E AXUDAS QUE LLE CORRESPONDEN POR LEI
* Segundo as previsións do calendario de aplicación da lei de dependencia debera ter accedido ás prestacións recoñecidas no ano 2007
* Balseiro Orol insiste en que o BNG gastou todos os recursos e esforzos da Xunta en facer publicidade e propaganda e moi poucos en garantir a calidade de vida desta gran dependente, e doutras moitas persoas na súa situación, cuxa dignidade non está a ser respectada polo nacionalismo.
A Mariña, 20 de febreiro de 2009.- O número tres na candidatura do Partido Popular por Lugo, Jose Manuel Balseiro Orol, vén de acreditar documentalmente o fracaso da Xunta bipartita á hora de aplicar a lei de dependencia na nosa comarca. O dirixente popular fixo público un documento no que se acredita que unha gran dependente de Lourenzá leva preto de oito meses de espera para recibir os servizos e axudas que lle corresponder por lei. (O recoñecemento da súa situación de dependencia data do 26 de xuño de 2008 días despois pedíronlle a certificación do número de conta bancaria no que recibir a axuda, pero aínda non se lle abonou)
MÁXIMO NIVEL DE DEPENDENCIA
A situación é bastante preocupante tendo en conta que a persoa da que os populares están a falar ten recoñecida o máximo grado e nivel de dependencia (grado III, nivel 2): Falamos dunha persoa que necesita axuda para realizar as actividades básicas da vida diaria e que, como consecuencia da perda total de autonomía mental ou física, necesita a presenza indispensable e continua dunha coidadora.
DEBERA TER RECIBIDO A SÚA PRESTACIÓN NO 2007
Segundo o calendario de aplicación de Lei de Dependencia os grandes dependentes como é o caso do que estamos a falar deberían estar recibindo a súa axuda e prestación recoñecida no 2007, durante o primeiro ano de aplicación da Lei de Dependencia. Dous anos despois o colapso do sistema e a lentitude burocrática da Vicepresidencia non o fixo posible.
CENSURAR A XESTIÓN DO BNG NA VICEPRESIDENCIA
Nada disto parece ser razón suficiente para que o departamento que dirixe o nacionalista Anxo Quintana acelere o proceso de outorgamento dos dereitos que lle corresponden a esta persoa e a outras na súa mesma situación. Segundo Balseiro Orol BNG gastou todos os recursos e esforzos para a dependencia en publicidade e propaganda e agora son, persoas como esta veciña de Lourenzá as que pagan as consecuencias. Chegou o momento de censurar a mala xestión destes señores ao fronte da Xunta e de garantir un Goberno, como o de Feijóo que sitúa en primeira liña o respecto da dignidade de todas estas persoas que necesitan a nosa axuda e especial dedicación.
FALECIDOS DURANTE O LONGO PROCESO DE TRAMITACIÓN
Balseiro Orol acompaña a súa denuncia dun novo documento, neste caso dunha resolución da Delegación Provincial da Vicepresidencia na que esta administración resolve o arquivo do expediente por falecemento do solicitante, declarando concluso o procedemento. O candidato popular indica que está non é unha excepción senón a regra xeral: Hoxe na Mariña existen máis persoas que faleceron á espera de recibir a prestación ou axuda que lle corresponde que xente beneficiándose das mesmas. E de non ser isto certo emprazo á Vicepresidencia a que o desacredite con datos concretos.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
