Nota de prensa
O CONCELLO ORGANIZA VARIAS ACTIVIDADES AO LONGO DO MES DE MARZO PARA CONMEMORAR O DÍA INTERNACIONAL DA MULLER. A PRIMEIRA SERÁ UNHA MESA REDONDA O VINDEIRO XOVES.
Burela, 6 de marzo de 2012. O Concello organiza varias actividades ao longo do mes de marzo para conmemorar o día internacional da muller. A primeira será unha mesa redonda que terá lugar o xoves, 8 de marzo, ás 18:00 horas no salón de plenos. Os actos foron presentados hoxe pola concelleira de Servizos Sociais, Muller, Igualdade e Sanidade.
Diana Durán explicou que “a través do CIM estamos a organizar diversas actividades durante este mes, entre as que destacan as previstas para o 8 de marzo. Ese día haberá unha mesa redonda A modernización en Burela a través da muller, na que participarán catro mulleres que relatarán as súas peculiares experiencias, que son o reflexo da vida doutras mulleres e que seguramente nos sentiremos identificadas con elas. O obxectivo desta mesa redonda é dar protragonismo ás mulleres de Burela, amosando a súa realidade e favorecendo un modelo de identificación no que outras mulleres poidan verse reflexadas”. As participantes neste acto, que se desenvolverá ás 18:00 no salón de plenos do Concello de Burela, son: Son Celia González Vispo, Alicia Valle Vázquez, Antonia Fernández Rivas e Mª Ramona Veiga Álvarez. A edil popular dixo que “alí falaremos de mulleres emprendedoras, da experiencia de ser unha das primeiras mulleres en ter o carné de conducir en Burela, de muller e discapacidade, de muller e as novas tecnoloxías e de muller e arte”.
A concelleira de Servizos Sociais, Muller, Igualdade e Sanidade anunciou que “ao longo de todo marzo seguiremos con actividades para conmemorar o día internacional da muller. O día 15 teremos unha charla informativa sobre a nova normativa de empregadas do fogar, a cargo do avogado Carlos Villar Arévalo, ás 18 horas no salón de plenos do Concello. O 20 de marzo inauguraremos unha exposición de pintura da burelesa María Ramona Veiga Álvarez na sala de arte da Casa da Cultura ás 18:30 horas. Tamén haberá a proxección do filme Yentl para o alumnado dos IES Perdouro e Monte Castelo, co que pretendemos fomentar a reflexión entre os rapaces e rapazas destes centros, o compromiso social e os valores solidarios e igualitarios. E tamén teremos a finais de mes unha charla informativa sobre o programa Emega da Xunta de apoio ás mulleres emprendedoras”.
Diana Durán agarda que “o programa de muller do Concello de Burela sexa do agrado de tod@s, quedan convidadas todas aquelas persoas que o desexen a participar nos actos programados”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
