Nota de prensa
Bernardo Fraga afirma que “non hai ninguén en Viveiro que vaia saír beneficiado coa Reforma Laboral presentada polo Partido Popular”
Os nacionalistas pedirán o apoio do pleno da corporación para rexeitar esta medida por inxusta e inútil para activar o mercado laboral e dinamizar a economía.
Viveiro, 8 de marzo de 2012. O BNG de Viveiro levará ao pleno municipal unha iniciativa rexeitando o Real Decreto Lei 3/2012 de Medidas Urxentes para a reforma do mercado laboral por considerala inxusta, inútil para activar o mercado laboral e sen ningún beneficio para o conxunto do tecido socioeconómico do noso concello. O portavoz nacionalista, Bernardo Fraga Galdo aclarou que “hai quen está aproveitando a crise económica para desmantelar os dereitos sociais e laborais das maiorías sociais en beneficio dos mercados e da gran patronal, renunciando ao mesmo tempo a incentivar a economía que é o que agora se precisa”.
Ninguén en Viveiro sairá beneficiado coa reforma laboral proposta polo PP
O portavoz do Grupo Municial do BNG e Tte. de alcalde, Bernardo Fraga Galdo, explicou que a reforma laboral presentada polo PP non so é “agresiva” como anunciou o ministro de economía, “é demoledora contra os dereitos laborais e económicos das clases asalariadas”; segundo Fraga nun concello como Viveiro cun tecido socioeconómico formado maioritariamente por pequenas e medianas empresas, comercio e hostalería, “ninguén sae beneficiado” xa que a curto e medio prazo agárdase un incremento do desemprego e as baixadas do poder adquisitivo non farán mais que repercutir no conxunto da actividade económica cunha nova caída do consumo.
A experiencia demostra que as reformas laborais non axudan a reactivar o mercado laboral
Bernardo Fraga puxo como exemplo a anterior reforma laboral aprobada polo PSOE que non so non reactivou o mercado laboral senón que incrementou as taxas de desemprego, “a que agora presenta o PP non fai que dar a puntada final sobre os dereitos sociais e económicos dos asalariados”. E evidente, explicou, “que si houbera un mercado laboral tan ríxido como din, non habería as taxas de desemprego que temos”. O nacionalista incidiu en que estas medidas compleméntanse coa ausencia de estímulos á actividade económica e aos recortes nos servizos sociais, educativos ou sanitarios que agravan sumamente a situación.
Supresión da Reforma Laboral, mellora das relacións laborais negociada cos representantes sindicais e estímulo da economía para a xeración de emprego.
A proposta que o BNG leva a pleno pasa pola supresión da reforma laboral, por acometer unha mellora das relacións laborais, en base ao consenso e negociación cos representantes sindicais, que protexa ás persoas traballadoras fronte á precariedade laboral e inclúa medidas de estímulo da economía para a xeración de emprego de xeito inmediato. Fraga ademais engadiu que no eido económico os nacionalistas defenden medidas como a creación dunha banca pública que abra a billa do crédito, unha reforma fiscal que faga pagar mais a quen mais ten, control do fraude fiscal, redución dos gastos militares ou supresión das deputacións e dos ministerios que invaden competencias do goberno galego
Ademais o Bloque Nacionalista Galego, organiza mañá ás 20.30 horas, unha charla no Conservatorio de Música de Viveiro, baixo o título “Crise e reforma laboral dende unha perspectiva de xénero”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
