NOTA DE PRENSA
Preto de 500 persoas reservaron rutas de Km0 na plataforma de comercio electrónico da Deputación dende a súa posta en marcha
– Os participantes no programa medioambiental que optan por esta alternativa rápida e sinxela para inscribirse teñen un desconto do 10% no custe das actividades
– 48 persoas anotadas de xeito individual e outros 48 usuarios do Centro para Discapacitados Intelectuais de Mondoñedo redescubriron hoxe a Zona Sur
Medio milleiro de persoas reservaron rutas de Km0 a través da plataforma de comercio electrónico da Deputación www.losproductosdelugo.com dende a apertura deste primeiro centro comercial virtual da provincia, en maio do pasado ano. Ademais de facelas reservas dun xeito rápido e sinxelo, dende a propia casa e a calquera hora do día, calquera día do ano, os participantes no programa medioambiental que optan por esta alternativa para inscribirse teñen un desconto do 10% no custe das actividades. Deste xeito, o prezo é de 8 euros para grupos de menos de 24 persoas e individuais, e de 5 euros para grupos de máis de 24 persoas, se o pago se fai persoalmente no servizo de Tesourería (Pazo de San Marcos), ou nas sucursais de NovaGalicia, mentres que, se se fai a través de www.losproductosdelugo.com o custe é un 10% inferior. Da modalidade de pago quedan excluídos en calquera caso todos os colexios e institutos públicos.
Para reservar as rutas de Km0, o usuario tan so ten que entrar en www.losproductosdelugo.com e pinchar, á esquerda do portal, no apartado Ocio, onde atopará un link cos itinerarios. A oferta de Km0 súmase a outras propostas de lecer vinculadas co medio ambiente tamén incluídas na plataforma de comercio electrónico, como as do parque zoolóxico Avifauna e Marcelle Natureza, ambos en Outeiro de Rei, ou a de Ancares de Meu, un complexo de turismo rural activo radicado en Cervantes. En conxunto, a tenda virtual posta en marcha pola Deputación hai dez meses conta cunha oferta de 27 empresas e 197 produtos e servizos, relacionados con sectores como a alimentación, artesanía, moda, lecer, formación, óptica ou estética. Á plataforma pode adherirse calquera empresa lucense que estea interesada, para o cal debe presentar no Rexistro Xeral da Deputación unha solicitude e a documentación necesaria, sobre a que teñen toda a información na web www.deputacionlugo.org
O programa Km0, cofinanciado con fondos europeos, recibiu no último ano a través de Internet preto de 2.000 visitas, das que a maioría foron de Lugo, cun 40%; seguido de Madrid, cun 36%, e xa, a maior distancia, A Coruña, con 103 visitas; Santiago, con 55; e Vigo, con 38. Fóra de España, destacan as 57 visitas realizadas dende Arxentina.
A Ribeira Sacra copa esta semana a programación
Polo que respecta ás rutas de Km0 desta semana, a Ribeira Sacra copa a programación, pois é o destino de 4 dos 5 itinerarios que terán lugar entre hoxe e o xoves. Deste xeito, os municipios da Zona Sur recibirán a visita de 197 persoas grazas a esta iniciativa, mentres que 55 desprazaranse a Ribadeo. O Presidente provincial, José Ramón Gómez Besteiro, recibiu hoxe no Salón de Actos do Pazo de San Marcos a 48 persoas inscritas de xeito individual, que fixeron a ruta Ferrería de Penacoba. Este colectivo visitou despois o Centro de Interpretación Santa Isabel para desprazarse logo á localidade sarriana de Oural, onde comeu no restaurante Cantina de Inés, e ó municipio de Bóveda, onde coñeceu a aula da natureza Os Trollos, a capela do Ecce Homo de Rubián e o seu entorno, e o Pazo dos Marqueses da localidade, e fixo un tramo da ruta Río Nocedo. Hoxe tamén participaron no programa 48 usuarios do Centro para Discapacitados Intelectuais de Mondoñedo, que gozaron dun percorrido por adegas e Miradoiros da Ribeira Sacra. O percorrido comezou no Centro de Artesanía e Deseño (CENTRAD) da Deputación, e xa en Sober, os participantes fixeron unha ruta por Pena do Castelo e visitas á olería de Gundivós e ó Santuario de Cadeiras. A comida tivo lugar no restaurante La Cantina, no núcleo soberino de Doade.
Para mañá están previstas dúas novas viaxes pola Zona Sur: unha por Sober, que farán 48 usuarios do Centro de Convivencia Díaz Castro de Lugo, e outra por Chantada, na que están inscritos 48 integrantes da Asociación de Veciños de San Esteban de Mota, en Guntín. O colectivo lucense achegarase ó Mazo de Santa Comba e gozará na adega Algueira dunha degustación e unha comida, para realizar despois un paseo en catamarán por Amandi. Pola súa banda, os veciños de Guntín estarán no Centro de Interpretación Terras do Miño e dende alí viaxarán a Chantada, onde comerán no restaurante Mogay; coñecerán a presa de Belesar e o pobo; farán parte da ruta de Pesqueiras, e visitarán a adega Vía Romana.
O programa desta segunda semana de marzo remata o xoves cun percorrido por Ribadeo, solicitado pola residencia do Incio. 55 persoas coñecerán a olería de Bonxe para desprazarse despois á vila mariñana e realizar unha travesía en barco pola ría, subir no ascensor panorámico do peirao de Porcillán e pasear polo casco histórico, onde poderán visitar o Convento das Clarisas.
Como inscribirse
Todos os interesados en participar en Km0 poden inscribirse chamando ó número de teléfono 982-26-74/75; entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org ou ben accedendo á plataforma de comercio electrónico www.losproductosdelugo.com A continuación, poderán efectuar o pago, que será de 8 euros para grupos de menos de 24 persoas e individuais e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita 3 modalidades
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
