Nota de prensa:
O alcalde de Cervo reuniuse cos voceiros dos grupos da oposición para a convocatoria do pleno
-Villares explicou que un compromiso na Fegamp lle impide pospoñer o pleno para o venres
Cervo, 26 de marzo de 2012-O alcalde de Cervo, Alfonso Villares, reuniuse este mediodía cos voceiros dos grupos do PSOE e do BNG na corporación cervense para convocar o próximo pleno que se celebrará o xoves día 29. O rexedor asegurou non ter “ningún inconveniente” en cambiar a data de celebración da sesión para evitar a súa coincidencia coa folga xeral convocada para ese mesmo día. Porén, Villares explicou que “un compromiso irrenunciable relacionado co meu cargo de vicepresidente da Fegamp me impide pospoñer o pleno para o venres”.
O primeiro edil tamén expuxo que antes do 31 deste mes ten que estar aprobado en pleno e enviado telematicamente o plan de axuste do Concello. Sen embargo, o expediente non está completo debido á complexidade do documento. Este é o motivo que non permite adiantar a celebración da sesión. Villares aclarou a este respecto que “o plan de axuste estará listo a finais desta semana” e tamén anunciou que mañá martes manterá outra xuntanza cos voceiros dos grupos da oposición, nesta ocasión para expoñer as liñas xerais dese plan.
De todos os xeitos, Alfonso Villares quere deixar claro que “respecto, como non pode ser doutra maneira, a decisión que tomen os membros da corporación sobre a súa asistencia ou non ao pleno, e así llelo transmitín durante a reunión”. Aínda así, “ao igual que existe dereito á folga tamén existe dereito ao traballo” dixo Villares, polo que “apelo á responsabilidade dos edís á hora de cumprir co seu deber cos veciños de Cervo” di o rexedor.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
