A CORAL EN SAN MARTIÑO
Con esplendor comezaron o pasado sábado os actos desta Semana Santa na basílica de San Martiño, organizados pola dinámica Confraría do Desencravo, e o apoio e a participación de toda a parroquia. Iniciáronse co pregón que, por vez primeira pronunciou unha muller: neste caso a focega Marisol Moreda, cuxos proxenitores naceran no noso concello e os seus restos mortais xacen no cemiterio de Cangas. Marisol, escritora e xornalista de longo e brillante percorrido, persoa de ampla cultura e singular sensibilidade, ofreceu un relato co que debuxou, con trazos inequívocos, a súa condición de crente, de solidaria e de fonda coñecedora dos episodios que a historia e a tradición nos deixaron sobre da morte e resurrección de Xesús, que son pedra angular da crenza cristiá, contado dende a súa proverbial modestia e de xeito ameno e mesmo engaiolante. Por iso a pregoeira foi agasallada cun moi forte e duradeiro aplauso. Parabéns.
Marisol, unha namorada das xentes do mar, cuxos avatares humanos coñeceu xa no fogar da crianza, pois o pai, Guillermo Moreda Oroza, foi un importante persoeiro, dirixente do Instituto Social da Mariña; este amor e admiración polos profesionais do mar inspiroulle a creación da Fundación “Herederos de la mar”, da que é presidenta, que acode en auxilio, en casos de lamentables desgracias derivadas do sempre duro e arriscado traballo sobre a fraxilidade das ondas mariñas. Marisol tivo un esplendoroso colofón: a Coral Polifónica de Foz que, deixando sempre nos oíntes a pegada pracenteira da súa calidade artística, nesta ocasión rizou o rizo con algunha pequena innovación que magnificaron o resultado. E así, na canción “O sacrum convivium”, situados os homes (baixos e tenores), fronte ó altar maior, e a senllos lados da nave central as sopranos e contraltos, levaron ó ambiente unha sensación acústica que reforzou a dificilmente mellorable que ofrece a basílica. Pechou a Coral coa tan clásica como fermosa “Negra sombra”, cunha variante: cantaban só as sopranos, e o resto das voces, coas bocas pechas, e o marmulo que delas saían, acompañaban coa melodía. Fermosísimo!. Os coralistas recibiron un moi caluroso aplauso.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
