A Deputación formará a 900 persoas nos sectores agropecuario e forestal para a creación de novas empresas
– Farao co Plan Integral Agropecuario Forestal, o proxecto de 1 millón de euros de fondos europeos que presentou hoxe o Presidente e que aprobará mañá a Xunta de goberno
– As actuacións gandeiras levaranse á Montaña e zona Centro luguesa coa Granxa Gayoso Castro como referencia, as agrícolas ó Sur con Tor como epicentro e as forestais á Mariña
– Ademais da formación gratuíta e práctica, as adxudicatarias deberán garantir a creación dun mínimo de 15 novas empresas na provincia vinculadas á agricultura e gandeiría ecolóxica, así como ó aproveitamento forestal sostible
O Presidente da Deputación, José Ramón Gómez Besteiro, acompañado pola Deputada de Medio Ambiente e Enerxías Renovables, Sonsoles López Izquierdo, avanzou hoxe a posta en marcha dun proxecto que creará novos postos de traballo na provincia co impulso dos sectores agropecuario e forestal. É o denominado Plan Integral Agropecuario Forestal, dotado de 1 millón de euros, procedentes dos fondos europeos, e enmarcado na segunda parte de Lug02, o programa medioambiental cofinanciado nun 70% pola Unión Europea. Gómez Besteiro avanzou que esta iniciativa permitirá que 900 persoas reciban, de xeito gratuíto, formación principalmente práctica para a creación de novas empresas vinculadas á agricultura e gandeiría ecolóxica, así como ó aproveitamento forestal sostible. “Mentres a Xunta dá a espalda ó medio rural, nós mantemos que nel se atopa a saída á crise. Esta iniciativa complementaria a outras como o Km0, o Centro de Despece de carne de caza ou o Centro de Recría de gando, contribúe a frear o despoboamento e o abandono do rural, rendibilizando a superficie da nosa provincia”, destacou.
O titular provincial explicou que para garantir a xeración do maior número de empregos e oportunidades económicas na provincia, o organismo provincial dividiu as actuacións deste proxecto por sectores e zonas, levándoas a onde principalmente se concentra a actividade e os recursos naturais da provincia, segundo o Plan Estratéxico da Deputación:
– Na zona Norte sitúanse o 30% das empresas luguesas dedicadas ó sector da madeira. Preto do 70% deste territorio é superficie forestal con máis de 92.300 hectáreas. Por este motivo, o organismo provincial leva á Mariña as actuacións de aproveitamento forestal sostible.
– Nos Concellos das Comarcas de Lugo, Terra Chá e A Fonsagrada o número de explotacións gandeiras de carne ou leite oscila entre as 400, nos municipios que menos teñen, e máis de 1.000 explotación, noutros casos. E por elo, que as actuacións de impulso da gandeiría ecolóxica situaranse na Montaña e zona Centro da provincia, convertendo á Granxa Gayoso Castro no centro de referencia.
– Nas Comarcas de Chantada ou Lemos a superficie adicada ó cultivo é de entre o 30% e o 50%. De ahí, que as actuacións de agricultura ecolóxica se centrarán na zona Sur luguesa, convertendo neste caso ó Pazo de Tor no centro de referencia.
Fases de actuación
O mandatario provincial explicou que, localizadas as zonas de incidencia, a institución determinou tres fases de actuación para todos os sectores:
– Sensibilización e captación dos participantes.
– Formación e experiencia práctica: organizaranse un mínimo de 36 cursos formativos, sen custe algún para os participantes e eminentemente prácticos, nos que poderán participar a lo menos 900 persoas. Neste senso, Besteiro puxo como exemplo a formación sobre riscos laborais no sector forestal, tendo en conta que, segundo o Instituto Galego de Seguridade e Saúde Laboral, o índice de sinestralidade no forestal incrementouse no último ano nun 10,12%, mentres que nos restantes sectores produtivos a tendencia foi á baixa. As mesmas fontes aseguran isto se debeu á falta de formación xa que un gran número de desempregados da construción se incorporou ó forestal.
– Saídas ó mercado: rematada a parte formativa e práctica, as adxudicatarias deberán prestar asesoramento ós participantes para a creación de, a lo menos, 15 novas empresas na provincia, é dicir, como mínimo 5 entidades por temática (agricultura ecolóxica, gandeiría ecolóxica e aproveitamento forestal sostible).
Prazos
O Presidente adiantou que mañá a Xunta de Goberno aprobará o prego de 1 millón de euros de fondos europeos e o proceso de contratación do Plan Integral Agropecuario Forestal. Isto permitirá que, nos vindeiros días, se publiquen no Boletín Oficial da Provincia as bases deste concurso co fin de que as empresas interesadas coñezan os requisitos e presenten as súas ofertas. A previsión da institución é contratar e arrancar a primeira fase do Plan en xuño.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
