O BNG MANIFESTA O SEU APOIO ÁS REIVINDICACIÓNS VECIÑAIS PARA A MODIFICACIÓN DO TRAZADO DO GASODUTO. OS NACIONALISTAS CONSIDERAN QUE A POSTURA DO CONCELLO TEN QUE SER A DEFENSA A ULTRANZA DAS VECIÑAS E VECIÑOS SEN CEDER ÁS PRESIÓNS EXTERNAS.
Barreiros, 21 de abril de 2012. O BNG de Barreiros manifesta o seu apoio ás reivindicacións veciñais para a modificación do trazado do gasoducto. Na xuntanza celebrada na tarde de onte as veciñas e veciños de Barreiros amosaron, unha vez máis, o seu rexeitamento frontal ao trazado do gasoduto ao seu paso por este concello. Desde o BNG sinalan que “nesta xuntanza o alcalde barreirense tratou de xustificar o trazado proposto pola necesidade estratéxica para a empresa Alcoa, a pesares de ser coñecedor da oposición existente entre as veciñas e veciños. Neste sentido, nós instámolo a posicionarse ao seu lado e a non presentarse coma un simple mensaxeiro, senón coma un alcalde dun pobo que sae claramente perxudicado por este proxecto.”
Para o BNG “é fundamental que o alcalde de Barreiros, como representante das veciñas e veciños que é, defenda os intereses xerais e non trate de disculpar a actuación cun argumento que pode cualificarse de demagóxico; facéndolle crer á xente que o seu posicionamento pode supor o peche de Alcoa.”
O BNG insiste en que “o alcalde de Barreiros ten que defender ás veciñas e aos veciños e as empresas privadas xa defenderán os seus intereses como elas consideren. Evidentemente, nin o BNG nin as veciñas e veciños de Barreiros queren perxudicar a ningunha empresa, nin se opoñen ao paso do gasoduto, pero entenden fundamental que se faga unha modificación do seu trazado que afecte o menos posible ás e aos barreirenses.”
Desde o Bloque Nacionalista Galego de Barreiros agardan “que na próxima xuntanza sobre este tema o alcalde acuda en calidade de tal, e non coma un simple mensaxeiro, defendendo o posicionamento mantido na xuntanza de onte. O BNG tívoo claro desde o principio: tan importantes son os intereses de calquera empresa como os das veciñas e veciños e, como o fixo desde o primeiro momento, o Bloque Nacionalista Galego de Barreiros está do lado das e dos barreirenses, que saen claramente perxudicados co actual proxecto e apoiará cantas accións se acorden para a defensa dos seus intereses”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
