RAQUEL ARIAS GABA “A INMENSA XENEROSIDADE” DOS TRES HEROES DO ORZÁN, QUE NUNHA MOSTRA DE COMPROMISO VITAL “DERON O MÁIS PREZADO DO SER HUMANO EN FAVOR DOS DEMAIS”
A delegada territorial da Xunta en Lugo participou no acto de homenaxe celebrado en Burela, localidade natal de Rodrigo Maseda, un dos tres policías nacionais finados
Subliñou que, por riba da dor e do dó, “o recordo que transcenderá para a eternidade é o profundo sentimento de orgullo pola acción dun familiar, dun amigo, dun veciño”
Burela, 28 de abril de 2012.- A delegada territorial da Xunta en Lugo, Raquel Arias, destacou hoxe “a inmensa xenerosidade” dos tres heroes do Orzán, que nunha mostra de compromiso vital “deron o máis prezado do ser humano en favor dos demais”.
Arias significou o “exemplo” que ofreceron os tres policías nacionais finados nun acción de rescate na baía da Coruña durante o acto de homenaxe celebrado hoxe en Burela, localidade natal dun dos axentes falecidos naquela actuación, Rodrigo Maseda.
Segundo indicou a máxima representante do Executivo autonómico na provincia, por riba da dor e do dó que latexa con forza agora, “o recordo que transcenderá para a eternidade é o profundo sentimento de orgullo pola acción dun familiar, dun amigo, dun veciño”, que entregou a súa vida “por tentar salvar a doutro ser humano”.
Durante o acto, no que foi descuberto un monolito no entorno da praia do Cantiño, co que se recorda o heroísmo de Rodrigo Maseda e dos seus compañeiros, os tamén lucenses José Antonio Villamor Vázquez e Javier López López, Arias subliñou que coma en toda desgraza, os que partiron deixan “un camiño marcado con moita dor, unha lección que debemos aprender para preservar a memoria do sucedido coa esperanza de que non se repita”.
A delegada territorial pechou a súa intervención no acto, no que tamén participaron o Delegado do Goberno en Galicia, Samuel Juárez, e o alcalde de Burela, José María González Barcia, recordando as verbas do presidente galego Alberto Núñez Feijóo na cerimonia de recordo desenvolvida na Coruña: “Desexo que esteamos á altura do voso exemplo”, rematou a representante da Xunta referíndose aos tres policías.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
