Seguen a darse pasos no camiño do desbloqueo e despegamento da industria acuícola en Galicia.
A Consellería do Medio Rural e do Mar somete a exposición pública a orde para a creación do Comité Técnico de Acuicultura
Este órgano de consulta e asesoramento estará formado por expertos do sector acuícola que elaborarán dictames e protocolos de seguimento e avaliación nos eidos medioambiental, sanitario, económico e social
Santiago, 9 de maio de 2012.- En resposta a unha pregunta de Jose Manuel Balseiro Orol a Conselleira do Medio Rural e do Mar, Rosa Quintana, confirmou que o seu departamento elaborou xa a orde pola que se crea o Comité Técnico de Acuicultura e nestes momentos atópase a exposición pública para a realización de achegas ou alegacións. Tal e como sinalou a conselleira, Rosa Quintana, no pleno Parlamento, o comité “será un órgano colexiado de consulta e asesoramento que asesorará á Administración no deseño e aplicación de medidas vinculadas ao sector da acuicultura”.
Segundo explicou a conselleira, o Comité estará formado por 15 membros, entre os que se atoparán representantes da Consellería, expertos de recoñecido prestixio e experiencia procedentes do sector acuícola, das Universidades galegas e de organismos científicos relacionados coa acuicultura.
As súas funcións comprenderán a elaboración de ditames e de protocolos de seguimento e avaliación nos eidos medioambiental, sanitario, económico e social e será convocado, como mínimo, dúas veces ao ano. Así, por exemplo, o Comité realizará un informe anual sobre a situación e expectativas da acuicultura galega con propostas, medidas e recomendacións. “Tamén se encargará dos informes previos a autorización de novos establecementos de acuicultura, ampliación, prórroga e renovación dos existentes, tanto de carácter permanente como experimental”, apuntou.
O establecemento deste órgano vén impulsado pola Estratexia Galega de Acuicultura (ESGA), logo de comprobar a utilidade doutros órganos similares de consulta en iniciativas como esta. Cabe destacar que o Comité Científico Galego de Pesca realiza unicamente funcións de asesoramento para a pesca, sen ter en conta as especiais características e necesidades da acuicultura.
Na súa aposta por impulsar esta actividade, a titular de Mar lembrou que xa se realizaron diversas accións como a declaración da acuicultura coma de interese público de primeira orde ou a aprobación inicial do Plan Director de Acuicultura Litoral. De cara ao futuro, a Consellería reformulará a planificación para ampliar e recuperar as zonas de marisqueo non produtivas e faralle chegar ao sector en breve o novo Decreto de ordenación dos parques de cultivo. Por último, lembrou que axiña “comezará a andar” o novo Consello Galego de Pesca.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
