A Fundación TIC incrementa o seu servizo en apoio ós colectivos sociais da provincia
– O Presidente asina novos convenios coa Sociedade Protectora de Animais e Prantas, Proxecto Danza e Fundación Juan Soñador para a realización de proxectos audiovisuais coa colaboración dos estudantes da Escola de Imaxe e Son
– A TIC incrementou nun 400% no último ano este servizo para potenciar o traballo de asociacións sen ánimo de lucro e aumentar a formación práctica dos alumnos da EIS
O Presidente da Deputación e da Fundación TIC, José Ramón Gómez Besteiro, o Presidente de Proxecto Danza, Xabier Iglesias Castro, e os Directores da Sociedade Protectora de Animais e Prantas e da Fundación Juan Soñador en Lugo, Francisco Javier García Calleja e Jesús Hernández Álvarez, respectivamente, asinaron este xoves novos convenios de colaboración en promoción destes colectivos. Os acordos establecen que técnicos da Fundación TIC, sempre coa colaboración de alumnos e bolseiros da Escola de Imaxe e Son (EIS), realizarán traballos audiovisuais cun dobre obxectivo: divulgar o labor social e cultural destas asociacións na provincia e incrementar a formación práctica dos estudantes do único centro en Lugo que imparte ensinanzas superiores no eido audiovisual de cara a facilitar a súa inserción laboral.
A Fundación TIC xa ten acordados os primeiros traballos con estes colectivos. Deste xeito, para dar cobertura ás accións de concienciación cidadá da Sociedade Protectora de Animais e Prantas de Lugo, técnicos e bolseiros gravarán o concerto benéfico, que terá lugar o vindeiro sábado, 11 de maio, no Auditorio Gustavo Freire. Trátase dunha iniciativa na que participarán o Mago Rafa, Clave de Fado, Pachi Mouriño, Os Destiliers, Os Triglicéridos, Xabi Pérez e tamén a eurovisiva Lucía Pérez. Posteriormente, tamén realizarán unha reportaxe da exposición “Artistas Plásticos coa Protectora”, que esta entidade sen ánimo de lucro leva ó Centro social Uxío Novoneira, en Lugo.
A TIC gravará tamén o próximo espectáculo de Proxecto Danza, que terá lugar o 19 de maio, ás 20.30 horas, no Auditorio Municipal Gustavo Freire. O equipo de técnicos e estudantes da TIC realizarán, ademais, un vídeo-documental de 15 minutos de duración, que leva por título “A interculturalidade na Infancia” para a Fundación Juan Soñador. Este traballo empregarase de material gráfico e testemuñal no “V Encontro de Culturas”, que organiza o Concello de Lugo para o 24 de maio. O audiovisual recollerá as testemuñas sobre as expericiencias vividas na cidade entre nenos lucenses e doutros países, que participaron en programas de acollida de mencionada Fundación.
Protectora de Animais e Prantas
A Sociedade Protectora leva case 30 anos de actividade na provincia e, actualmente, teñen moitas dificultades para atender ós máis de 400 cans que acollen. Trátase dunha cifra que supera a axeitada para o benestar dos animais debido ó escaso persoal e os medios económicos cos que conta. Catro persoas encárganse dun xeito continuado da atención dos animais nas instalacións que a Protectora ten en Santa María de Muxa. Malia e todo, este ano a Protectora acadou que máis de 480 cans fosen adoptados.
10 anos de “sonos e compromisos”
A Fundación Juan Soñador é unha iniciativa social da Familia Salesiana, que xurdiu no ano 2002 en resposta á prevención, educación e promoción social de nenos e nenas, adolescentes, mozos e familias, que se atopan en situación de risco exclusión social. Este ano, a Fundación celebra o seu décimo aniversario baixo o lema “Sonos e Compromisos”. Para conmemorar esta data, teñen preparadas novas actividades de divulgación social e inserción laboral, que se desenvolverán en Galicia, Asturias e Castilla e León. En Lugo, conta con sede dende os seus inicios. Atópase na praza da Milagrosa onde, na actualidade, celébranse dous programas de atención á infancia e voluntariado. Un deles é “Espabila, disfruta do tempo de lecer”, no que participan 25 nenos, de entre 6 a 12 anos, que residen en centros de menores. Outro é “Na rúa”, un programa socioeducativo, dirixido á integración de adolescentes e familias. Forman parte do mesmo 15 rapaces, de entre 13 a 16 anos, que contan con actividades de apoio educativo e ocio, así como con obradoiros sociais individuais ou en grupo.
Proxecto Danza
Proxecto Danza é unha asociación aberta e sen ánimo de lucro, que naceu na capital no ano 2009. Dende entón, artistas da provincia compoñen innovadores espectáculos co fin de impulsar a danza e dar a coñecer os novos talentos da provincia. Actualmente, están a traballar nun proxecto denominado “Latexo”, que se mestura a videocreación coa música en directo. Ten a súa orixe no baile tradicional pero tamén inclúe movementos de arte urbano e hip hop. Trata sobre o amor, o desamor, o sentimento do individuo, a liberdade, a terra, o mar e a esperanza.
A TIC, ó servizo da provincia
A Fundación TIC ten asinados máis de medio cento de convenios con asociacións sen ánimo de lucro da provincia e mantén contratos con máis de 60 empresas nacionais do sector multimedia. O principal obxectivo destes acordos é proporcionar experiencia laboral ós alumnos e titulados da EIS para que completen a súa formación e poidan acceder con máis facilidade a postos de traballo no sector audiovisual. Entre as organizacións coas que colabora a Fundación TIC figuran ONGs e asociacións culturais para apoiar o seu labor social e impulsar a inserción laboral de persoas con discapacidade; entidades deportivas, que fomentan o deporte base; así como empresas que fomentan o emprego das novas tecnoloxías no tecido industrial da provincia. No último ano, a Fundación TIC incrementou en máis dun 400% os convenios asinados con colectivos lugueses.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
