O PP VOTA EN CONTRA DE RESTITUÍR AS AXUDAS Á FLOTA CONXELADORA GALEGA EN AUGAS NAFO
O deputado do BNG, Bieito Lobeira lamentou a negativa do PP de demandar do Goberno do Estado as axudas a tripulantes e armadores dos buques conxeladores e criticou “a inxección de millóns de euros á banca privada”
Santiago de Compostela, 10 de maio , 2012. O portavoz de pesca do BNG, Bieito Lobeira lamentou hoxe o voto desfavorable do PP a unha iniciativa nacionalista destinada a instar ao Goberno central á restituír as axudas a tripulantes e empresas dos buques conxeladores que faenan no caladoiro NAFO.
Lobeira criticou “o dobre raseiro” do Partido popular que nega axudas á flota galega afectada por unha “inxusta e discriminatoria distribución de captura e cotas” en augas do caladoiro NAFO, no Atlántico, mentres seguen “inxectando miles de millóns de euros á banca privada”.
O deputado explicou que a flota que faena en NAFO é “rendible” pero no 2013 padecerá novas reducións ante o acordo do Consello Científico europeo de recortar o 63% a captura do fletán, polo que cualificou de “frivolidade” o proceder do Partido popular ao negar a restitución das axudas mentres insuflan grande cantidade de diñeiro a Bankia, “para os mariñeiros non hai cartos, dixo, pero si hai para os banqueiros e banca privada”, afirmou.
O parlamentario do BNG explicou que o 100% dos buques do Estado español que faenan en NAFO son galegos e a medida adoptada polo Goberno español agrava aínda máis a situación económica da flota afectada pola redución do 5% de cota do fletán e 7% de bacallau.
Lobeira afirmou que 500 tripulantes embarcados en doce conxeladores con base no porto de Vigo son os grandes prexudicados desta política distributiva á que o gasto das súas prestacións de desemprego nun contexto de Expediente de Regulación.
O PP recoñece demoras no pago ás mariscadores a pe
Por outra parte, o parlamentario do BNG tamén formulou unha pregunta, na mesma comisión, relativa a data prevista pola Consellería de Medio Rural e Pesca para o pagamento das cantidades debidas por axudas no 2011 ás mariscadoras e para completar o período de cotización e a data de publicación da orde para o ano 2012.
O secretario xeral Técnico da Consellería do Mar que recoñeceu “a demoras destes pagos” non se comprometeu a efectivizalos a pesar dos requirimentos do nacionalista.
Lobeira reprochou “o desleixo” da consellería cara un colectivo de mulleres que, cumpridos os 65 anos non contan co período necesario cotizado. Por esa razón, dixo, o anterior goberno articulou unha axuda de 557 euros e axudas para a cotización da Seguridade social ata que o Partido popular decidiu suprimir esa cantidade mantendo nos orzamentos da Xunta exclusivamente as axudas, “no ano 2011 as mariscadoras víronse obrigadas a adiantar os cartos para non perder a xubilación”, denunciou o deputado.
Finalmente, reclamou un “cambio de rumbo” na xestión política da consellería de Pesca ante as numerosas demandas de diversos colectivos afectados por unha “política errática e contraria aos intereses do sector”, concluíu.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
