RAQUEL ARIAS DESTACA “O EMPUXE DA MARIÑA NO DESENVOLVEMENTO DAS NOVAS TECNOLOXÍAS” PARA MELLORAR A COMPETITIVADE DO SECTOR EMPRESARIAL
A delegada territorial participou hoxe nunha demostración do novo servizo de xeolocalización para móbiles posto en marcha no polígono industrial de Barreiros, co apoio da Consellería de Economía e Industria
Arias lembrou que volve a estar aberta a convocatoria de subvencións aos concellos para a mellora de parques empresariais, impulsada polo mesmo departamento autonómico
Barreiros, 11 de maio de 2012.- A delegada territorial da Xunta, Raquel Arias, visitou hoxe o polígono empresarial de Barreiros, onde tivo oportunidade de comprobar o funcionamento das novas aplicacións informáticas, incluído o servizo de xeolocalización a través de teléfonos móbiles, subvencionadas pola Consellería de Economía e Industria.
Este proxecto, proposto polo concello de Barreiros e subvencionado pola Xunta con 13.830 euros, consiste no desenvolvemento dun portal web con compoñente xeográfica e visualización de datos a través de dispositivos móbiles.
Por unha banda, ofrece unha páxina web con toda a información sobre as empresas do polígono, e por outra inclúe unha aplicación para teléfonos móbiles de última xeración, con tecnoloxía de realidade aumentada con software layar, que permite o acceso ao servizo de xeolocalización, co que se facilita o acceso á ubicación das empresas, das que poden observarse imaxes en tres dimensións e información relativa á súa actividade.
Arias apuntou que no pasado exercicio foron subvencionadas en Lugo outras dúas iniciativas ao abeiro da convocatoria de axudas aos concellos para a mellora de parques empresariais, a primeira consistente nunha aplicación informática similar á de Barreiros para o polígono de Foz –con igual investimento subvencionado pola Xunta-, e a segunda na pavimentación do parque empresarial de Begonte.
O investimento global na provincia superou os 55.600 euros, e en todos os casos a porcentaxe da subvención foi do 80% do orzamento previsto.
Raquel Arias mantivo unha xuntanza con responsables municipais, encabezados polo alcalde barreirense, Alfonso Fuente, e con empresarios á que asistiron tamén técnicos do Igape para dar conta desta e doutras liñas de axuda ás empresas postas en marcha pola Xunta. Así, a delegada lembrou que está aberto o prazo para que os concellos presenten de novo as súas solicitudes para a mellora dos parques empresariais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
