O Goberno provincial incrementa en máis de 1 millón de euros o gasto social en Lugo
-Martínez e Outeiro adiantan que, “ante os drásticos recortes dos Gobernos do PP, a Deputación vese na obriga de reducir o investimento en obra pública para adicalo a políticas sociais”
– Besteiro invita ó Presidente da Xunta a unha visita oficial á Deputación de Lugo, á que nunca veu, e solicita por 8ª vez unha reunión unilateral con Feijóo para abordar asuntos individuais de Lugo e os recortes en Servizos Sociais, exactamente igual que o Presidente galego tratou cos restantes titulares provinciais
– Aprobado o requirimento sobre o Decreto 99/2011 porque “fronte ó método da imposición, da tixeira e da mentira, reivindicamos o do consenso e o respecto entre administracións”
O Goberno Provincial incrementa en 1.075.000 euros o gasto social na provincia “ante os drásticos recortes dos Gobernos Central e Galego do Partido Popular”. Os voceiros provinciais, Manuel Martínez e Mario Outeiro, salientaron que “mentres a Xunta de Galicia fai escapismo das súas competencias, a Deputación de Lugo vese na obriga de reducir o investimento en obra pública para adicalo a políticas sociais. Somos unha administración seria e responsable, que non elude responsabilidades, senón que busca o consenso”. Por este motivo, o voceiro socialista adiantou que o Presidente da Deputación, José Ramón Gómez Besteiro, invitou onte ó Presidente da Xunta a unha visita oficial á Deputación, xa que nunca veu no seu mandato. Gómez Besteiro tamén propuxo onte, por oitava vez en tres anos pero sen resposta favorable, unha reunión unilateral ó Presidente da Xunta para abordar asuntos singulares da provincia e os recortes nos Servizos Sociais, exactamente igual que Alberto Núñez Feijóo tratou cos demais mandatarios provinciais das outras Deputacións galegas. A Deputación reclama o mesmo trato para Lugo, sen discriminación algunha.
En mostra desta “búsqueda de diálogo”, Martínez destacou que Feijóo xa invitou bilateralmente ós titulares das restantes Deputación gobernadas polo Partido Popular cos que abordou os recortes en Servizos Sociais e cos que se comprometeu con novos financiamentos para as súas provincias. “¿Qué pasa con Lugo… nin respostou favorablemente ás peticións de reunión nin un euro?”, remarcou.
O novo orzamento para servizos sociais que aumenta a institución luguesa procede do presuposto previsto para a construción dun pavillón de deportes no Concello de Portomarín. A este respecto, o voceiro provincial do BNG, Mario Outeiro, indicou que “temos que paralizar esta iniciativa, non menos importante, pero non tan urxente como as accións en materia de Benestar Social, a prioridade deste Goberno Provincial”. A Deputación definirá no Pleno de maio a que políticas sociais concretas adicará este orzamento, acordado pola Xunta de Goberno deste venres.
“Compartimos fins pero non formas”
Na sesión, tamén se aprobou o requirimento ó Executivo autonómico para a derogación do decreto 99/2012 sobre o financiamento dos Servizos Sociais en Galicia debido as infraccións legais que presenta tanto na forma como no contido. Martínez aclarou que “podemos compartir fins pero non formas. Nós queremos ante todo garantir as prestacións sociais ós nosos veciños. Queremos colaborar pero dende o consenso, mediante convenios ou encomendas de xestión, sempre e cando se teña en conta o custe efectivo do servizo, é dicir, coas correspondentes transferencias económicas. Rajoy e Feijóo empregan o mesmo método: o da imposición, a tixeira e o engano. Feijóo desfíxose mediante un Decretazo de financiar as Axudas no Fogar para personas non recoñecidas como dependentes nos Concellos de menos de 20.000 habitantes e impuxo ás Deputacións asumir estas prestacións para camuflar os seus recortes, enganando ós veciños. Como non estamos de acordo co método da imposición, da tixeira e do engano, senón que reivindicamos o consenso e o respecto entre administracións, aprobamos este requirimento sen acudir á vía do contencioso como podiamos ter feito”.
Rede de residencias
Sobre este asunto, Martínez avanzou que a Deputación segue a traballar en solitario na rede de residencias públicas da Deputación, logo de que o Goberno galego non considerase, textualmente, “prioritarias nin necesarias” estas instalacións en Lugo malia ser a provincia galega máis envellecida e con menos prazas públicas residenciais. Estas valoracións supuxeron que a Xunta se negase a concertar prazas nas residencias públicas da Deputación que si concede a centros privados. O voceiro adiantou que a institución luguesa xa enviou os proxectos das residencias con centros de día de Trabada, Castroverde, Pol, Pedrafita e Ribas do Sil á Xunta que, segundo a Lei de Servizos Sociais, debe dar o permiso necesario para poder iniciar as obras. Ademais, xa conta co visto e prace autonómico para comezar cos traballos do complexo da Fonsagrada. “Se tivesemos a colaboración da Xunta, as nosas residencias poderían resolverse con máis axilidade”, remarcou.
Residencia Monterroso
Precisamente e tal e como avanzou onte o Presidente da Deputación, a Xunta de Goberno tamén aprobou conceder unha subvención excepciónal ó Concello de Monterroso de 75.000 euros para a adquisición do mobiliario da residencia de maiores deste municipio. É a única actuación que quedaba pendente para a posta en marcha desta instalación, que se atopaba bloqueada logo de que a Xunta de Galicia, administración con competencias directas en Benestar Social, se negase a conceder fondos. “O Goberno galego non quixo participar de ningún xeito neste proxecto, nin financiando parte da súa construción, nin equipándoo, nin concedendo prazas concertadas”, destacou Martínez. De feito, a residencia foi construída con 442.000 euros que recibiu o Concello de Monterroso mediante o Plan E do Goberno Central anterior e unha achega da Deputación de Lugo doutros 120.000 euros, que se suman a estos 75.000 euros, facendo un total de 195.000 euros. Esta suma de esforzos permitirá que Monterroso, un municipio onde o 30% dos seus habitantes supera os 65 anos, teña lista esta instalación en outubro. A súa posta en marcha suporá a creación de 14 empregos e 26 prazas residenciais.
Outros acordos
A sesión tamén acordou a renuncia dunha subvención do Plan de Comunidades Veciñales no Concello de Ribadeo por valor de 7.200 euros. O colectivo beneficiado, a comunidade de montes “Os Chaos de Piñeira”, non logrou os permisos necesarios para restaurar o retablo lateral dereito da igrexa da parroquia de Piñeira, que debía concederlle o Bispado de Mondoñedo-Ferrol. Por este motivo, ante a imposiblidade de realizar estes traballos, dotados dun total de 9.600 euros, os veciños víronse na obriga de rexeitar a axuda económica da Deputación de Lugo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
