FERNANDO SUÁREZ CONSIDERA QUE A LIÑA DE ALTA TENSIÓN E A SUBESTACIÓN ELÉCTRICA SON MOI NECESARIAS PARA RIBADEO, PARA O POLÍGONO INDUSTRIAL E PARA UNHA PARTE IMPORTANTE DA MARIÑA ORIENTAL. A XUNTA EMITIU UNHA RESOLUCIÓN POLA QUE SE AUTORIZA E SE APROBA O PROXECTO DE EXECUCIÓN DESTA INFRAESTRUCTURA ENERXÉTICA E SE DECLARA A SÚA UTILIDADE PÚBLICA.
Ribadeo, 15 de maio de 2012. O alcalde, Fernando Suárez, amosóuse satisfeito despois de coñecer a resolución da Consellería de Economía e Industria pola que se autoriza administrativamente e se aproba o proxecto de execución e se declara a utilidade pública da liña de alta tensión (Trabada-Piñeira) 132kv e tamén da subestación eléctrica de Ribadeo. O rexedor considera que esta infraestructura era moi necesaria para Ribadeo e para o futuro do polígono industrial e agarda que solucione os constantes problemas que sofría o subministro eléctrico no concello.
Suárez Barcia indicou que “se trata dunha noticia esperada desde hai tempo e moi necesaria para Ribadeo. Isto era fundamental para o polígono industrial, porque aínda que as empresas que están alí instaladas teñen subministro eléctrico non estaba garantido o mesmo para as novas industrias ou firmas que alí se quixeran asentar. Tamén é moi importante e fundamental para a vila de Ribadeo e tamén para unha parte moi importante da Mariña oriental, dado que coa subestación de Foz non se cubría a demanda que unha poboación de 10.000 habitantes como Ribadeo tiña”. O rexedor agarda que “cos prazos que se dean a partires de agora para que a empresa EON licite as obras de construcción e para convertir en real esta autorización administración, eu confío en que desaparezan definitivamente todos aqueles problemas que ten habido ao longo dos últimos anos de cortes no subministro, de que a luz se aí moitas veces sen razón aparente. Confío en que agora ao ter un subministro competente e adaptado ás necesidades dos tempos isto sexa historia”.
O alcalde de Ribadeo sinalou que “sempre que se produce algún tipo destas actuacións supramunicipais, destas construccións de liñas de alta tensión, sen dúbida que hai alegacións, sen dúbida que hai xente á que non lle gusta ou á que non lle parece axeitado. Eu respecto todo isto profundamente aínda que a tramitación supramunicipal correspóndelle á Xunta, xa foi iniciada na lexislatura anterior co bipartito e a concluiu este goberno autonómico actual”. E engadiu que “realmente a esta xente lle hai que responder en tempo e forma por parte da Xunta, pero o que debe quedar claro, e así o digo para que niguén o malinterprete, é que é necesaria máis que nunca esta infraestructura enerxética para o futuro de Ribadeo, para o futuro dos sectores productivos, para o comercio, para o sector terciario, para o sector secundario, que se está a implantar no polígono industrial e cómo non para o sector primario, que aínda que está reducido segue a ser importante”.
Suárez Barcia entende “con todos os respectos e con todas as salvidades, que é unha moi boa noticia para Ribadeo. Lamento que non se tivera producido antes, porque isto tivo un procedemento de tramitación longuísimo con multitude de informes sectoriais polo medio, algúns inauditos, pero en todo caso paréceme ben esta resolución que acaba de emitir a Xunta de Galicia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
