Na Valadouro celebran o Día das Letras Galegas coa presentación da revista Búsola

Presentación da revista Búsola o Día das Letras Galegas, 17 de maio ás 12:30 na Casa da Cultura do Concello do Valadouro.
O número correspondente a 2011, nº 5, sexta edición, por fin ve a luz. Unha revista fantástica con grandes colaboracións: a portada de Javier Ramirez, interpretando unha fermosa metáfora visual do “Social Media” dos nosos días, a poesía de Miguel Alonso, o impactante relato de suspense de Ledicia Costas, a conexión arte-cerebro que Casto Rivadulla explica ás nosas saturadas neuronas…queren máis? Que tal a mellor análise do panorama da cultura galega que ninguén xamais fixo da década dos 00´s, tan exhaustiva e certeira Inés Liste! Que tal a selecta compilación de títulos de BD galegos que escolle Eduardo Maroño, un lúcido observador dos quadrinhos de aqui e de fora. A fotografía de Estela Insúa, íntima, esencial e humana. Ah! e non deixa de gozar a historia sobre os ecos míticos de Pardo de Cela, que debuxa un dos nosos novos valores, Yago García, que da vida a historia que artella o gran Kike Benlloch. As mellores coordenadas da actualidade galega: sociais, culturais, comunicación… e os fetiches segredos de xente interesante de Galicia. Pasen e lean, Búsola nº 5. www.busola.net