Antes as diferentes opiniós , informacións e insinuacións aparecidas nos medios de comunicación nos últimos días, UNIFOZ, vese obrigado a facer as seguintes aclaracións:
UNIFOZ, no fará a oposición do NO por sistema, e decide a súa postura de forma horizontal, así pois a voz do noso portavoz é a voz da xente que formamos Unifoz.
UNIFOZ, decidiu presentarse as pasadas eleccións municipais co obxectivo de traballar por e para Foz, e sobre todo para demostrar que hai outra forma distinta de gobernar , por conseguinte UNIFOZ non é froito de ningún revanchismo político, nin froito de ningún personalismo, nin contra ningén.
UNIFOZ, fixo dous compromisos claros cos veciños de Foz que os segue ratificando:
-Traballar para conseguir cumprir o seu programa electoral para Foz
-Que os votos de UNIFOZ, non serian para facer Alcalde nin ao candidato do PP, nin do PSOE.
UNIFOZ, si ofreceu un pacto de goberno ao Alcalde e E.Goberno o fai por responsabilidade, ante a situación de un E.Goberno que non sabe gobernar, ante a falta de diálogo, e para que Foz, non quede catro anos paralizado.
UNIFOZ, quere recordar que o Alcalde é Alcalde por ser a lista máis votada, pero non polo apoio de UNIFOZ, así pois é compatible o ofrecemento de pacto de goberno co noso compromiso cos cidadáns.
UNIFOZ, non é nin será ningún reflexo das diferenzas políticas que o noso portavoz tivera en outros tempos, UNIFOZ, nunca escluiu a ninguén , nin condicionou a ningunha persoa, así pois nunca entramos en personalismos.
UNIFOZ, non esixiu en ningún momento que para pactar con outra formación política , o alcalde tiña que ser o noso candidato, o que sempre dixo e repite e que nos temos un compromiso cos veciños de Foz, que temos que cumprir, pero salvado ese compromiso UNIFOZ, mostrase receptivo a facer pactos de goberno, ou pactos puntuais con calquera forza política si considera que é bo para Foz, así pois con esa teima e fácil de entender que houbera pactos co PSOE (pacto de emprego) e co PP (plan de axuste, que non se chegou a aprobar) , e para outros temas.
UNIFOZ, está en disposición tamén de aprobar os presupostos municipais, e para iso imos facer unha proposta pensada en reducir gastos superfluo ou non preferentes, pero tamén pensando no crecemento e no fortalecemento dos servizos básicos.
Máis S.Sociais, bonificacións para as empresas que se instalen no polígono cun claro compromiso de creación de emprego, aforro enerxético, reorganización de servizos, cambio na xestión do Asilo mentres non se constrúa a residencia, estudo serio e rigoroso do tratamento de residuos do noso pobo, e tamén estudar novas formulas para xerar máis ingresos para a sostinibilidade económica.
Jaime Cancio Rodríguez, Ana Mª López Campoamor, Mª Ángeles Veiga Varela
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
