“A Área de Cultura do Concello de Viveiro, presentou unha ordenanza de usos do idioma galego na Administración Local do Concello de Viveiro”
Viveiro, 17 de maio de 2012.
Olaia Casas, Concelleira de Cultura, Turismo e Mocidade, e Bernardo Fraga, Tenente de Alcalde, presentaron no día de hoxe, 17 de maio, Día das Letras Galegas, a ordenanza de usos do idioma galego na Administración Local do Concello de Viveiro. A proposta de moción será levada ao Pleno da Corporación Municipal de Viveiro para o seu debate e aprobación.
Bernardo Fraga, destacou que “será importante, e buscaremos, o consenso de todos os grupos políticos da corporación á hora de aprobar a ordenanza de usos do idioma galego, xa que a lingua de todos non debe ser un arma de debate político”. Engadiu ademais que “nun día coma hoxe, onde se honra cada ano a persoas que escribiron, falaron e pensaron en galego, é un día simbólico para presentar esta ordenanza no noso Concello xa que lle dará un impulso ao emprego do noso idioma na administración máis próxima ás veciñas e veciños”
Olaia Casas, pola súa parte, destacou que esta ordenanza “fará oficial o idioma galego no Concello de Viveiro, incrementará e normalizará a presenza do galego na administración local e nas súas comunicacións internas e externas”. Ademais destacou que “na situación do galego, con perda continuada de falantes, e usuarios, a nosa lingua precisa de compromisos claros das administracións públicas, a súa aprobación será un exemplo de responsabilidade dos membros da corporación co noso idioma”
O Concello de Viveiro, terá a través desta ordenanza, unha ferramenta para desenvolver a Lei de Normalización Lingüística de Galiza, Olaia Casas indicou que “con esta ordenanza, Viveiro, amplía o seu grao de acción e preséntase como impulsor do incremento da presenza do galego na sociedade viveirense”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
