O TRAZADO DO GASODUCTO AO SEU PASO POR BARREIROS NON SE MODIFICARÁ. ASÍ LLO FIXO SABER AO ALCALDE ESTA MAÑÁ EN MADRID O SUBDIRECTOR GENERAL DE ENERGÍA. UN POSIBLE CAMBIO, SEGUNDO SERGIO LÓPEZ, OBRIGARÍA A UNHA NOVA TRAMITACIÓN E OCASIONARÍA UN IMPORTANTE RETRASO NESTA INFRAESTRUCTURA.
Barreiros, 21 de maio de 2012. O Ministerio de Industria asegura que non hai posibilidade de modificar o trazado do gasoducto ao seu paso por Barreiros. Así llo comunicou esta mañá ao alcalde, Alfonso Fuente, o subdirector general de Energía, Sergio López. Agora o proxecto seguirá a súa tramitación.
Fuente Parga mantivo un encontro con López Pérez esta mañá en Madrid no Ministerio de Industria, “eu viña trasladarlle o sentir dos veciños e o que se acordou nunha asamblea, que é a disconformidade co trazado, ver a posibilidade de varialo e que eso non supuxese retrasos nin para subministrar de gas aos concellos de A Mariña nin tampouco a Alcoa, pero él díxome que non había ningunha posibilidade de modificar ese trazado. O proxecto será enviado desde Industria ao Ministerio de Medio Ambiente para seguir a súa tramitación habitual”.
O rexedor sinalou que “desde a primeira xuntanza que mantivemos aquí en Madrid o pasado 11 de abril revisaron o proxecto, din que cumpre con todos os preceptos legais e que se lle vai dar tramitación. Din que é un proxecto que ven desde hai moito tempo e que non se pode demorar máis a súa tramitación”. Fuente Parga insistiu no ministerio “en que o trazado ven ao centro do pobo, onde hai un grande malestar porque pasa moi preto das casas, e foi taxante en decir que non hai posibilidade de variar o trazado. O único que se pode facer é o que se nos dixo na primeira xuntanza, que é minimizar o impacto do gasoducto nas fincas afectadas. Un posible cambio de trazado obrigaría a unha nova tramitación e ocasionaría un importante retraso no tempo. Ademáis non garantiría que se puidera facer técnicamente pegado á A-8, a autovía do Cantábrico”.
O alcalde de Barreiros dixo que “hoxe mesmo chamarei aos representantes da plataforma veciñal cos que teño contacto e lles trasladarei todo esto e despois haberá que ver qué outras medidas se poden tomar. Das palabras de Sergio López se desprende que non se produciu ningún cambio de trazado ata o de agora en España en ningún punto motivado pola presión veciñal, pero decía que a lexislación está aí para interpretala e que calquera medida que se puidera tomar que se adoptase. Eles seguirán coa tramitación, e nada máis”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
