Arrinca a terceira fase de reforzo da rede eléctrica no treito entre Espiñerido e San Ciprián
-Os traballos consisten no soterramento da liña de media tensión co obxectivo de mellorar e garantir o subministro
-Trátase da derradeira fase dun proxecto máis amplo que reforzará a rede eléctrica entre a subestación de Burela e San Ciprián
Cervo, 21 de maio de 2012-As obras de reforzo e mellora do subministro eléctrico no Concello de Cervo entran na súa terceira fase. O proxecto, consistente no soterramento de máis de 8 quilómetros de liña eléctrica de media tensión entre a subestación de Burela e San Ciprián, só ten pendente o último treito, comprendido entre Espiñerido e San Ciprián, unhas obras que comezaron nestes días. De feito, o alcalde de Cervo, Alfonso Villares, a edil de Medio Ambiente, Begoña Alonso e o de Seguridade, José Ramón Soto, achegáronse esta mañá ata un dos puntos en obras para comprobar o desenvolvemento dos traballos.
Esta actuación correspóndese coa última fase de execución do proxecto de reforzo da rede eléctrica a través da instalación dunha nova liña canalizada baixo terra, despois da finalización da primeira fase, entre a subestación de Burela e Cervo; e a segunda, entre Cervo e Espiñerido.
Este proxecto permitirá “garantir o subministro eléctrico minimizando as posibles avarías causadas polos adversos meteorolóxicos” explica o rexedor cervense. Ademais, cabe lembrar que se trata “dunha liña de reforzo, polo que en caso de rexistrarse un fallo eléctrico nunha delas, a outra poderá cubrir a carencia” engade Villares.
Para o goberno local, o soterramento dos cables eléctricos “é a mellor opción”, non só pola continuidade do subministro, senón tamén dende o punto de vista medioambiental e urbanístico. “Co soterramento dos cables, redúcese a cero o impacto visual e ao mesmo tempo evítase a colocación duns postes e unhas liñas fixas que marcarían o futuro desenvolvemento do municipio” remata o mandatario cervense.
De feito, o goberno local lembra que dende un primeiro momento a aposta do executivo foi a dunha rede soterrada como única posibilidade, desbotando a instalación doutra liña de cables aérea, para o que mantivo contactos coa Consellería de Industria e Begasa. Para facilitar e favorecer a canalización da liña baixo terra, o goberno local puxera ao dispor das dúas entidades implicadas os viais e camiños de titularidade municipal.
O proxecto de canalización da liña de media tensión no municipio cervense inclúese no Plan de Calidade da Subministración Eléctrica de Galicia posto en marcha pola Consellería de Industria en colaboración con Begasa e o investimento ascende a 2 millóns de euros.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
