RAQUEL ARIAS INAUGURA EN BURELA UN CURSO FORMATIVO NO QUE PARTICIPAN MEMBROS DE PROTECCIÓN CIVIL DE SEIS CONCELLOS DA MARIÑA
Na actividade concorren un total de 21 voluntarios dos municipios de Burela, O Vicedo, Mondoñedo, Viveiro, Cervo e Ribadeo
A delegada explicou que a programación da Academia Galega de Seguridade para o presente exercicio contempla 12 cursos a celebrar en distintos puntos da provincia, que ofrecerán formación en total a 250 persoas
Burela, 21 de maio de 2012.- A delegada territorial da Xunta, Raquel Arias, inaugurou hoxe en Burela o Curso básico de Protección Civil que organiza a Academia Galega de Seguridade, organismo dependente da Consellería de Presidencia, Administracións Públicas e Xustiza. Esta iniciativa formativa, a cuarta das que se celebran na provincia no presente ano, permitirá formar a 21 persoas pertencentes ás agrupacións de Burela, O Vicedo, Mondoñedo, Viveiro, Cervo e Ribadeo.
O curso foi inaugurado no salón de actos da casa consistorial de Burela e desenvolverase en horario de tarde ata o día 26, completando 20 horas lectivas.
A representante do Executivo galego na provincia gabou a colaboración altruísta que realizan os voluntarios nos seus respectivos concellos, á vez que recoñeceu “o esforzo que realizades e o compromiso que adquirides ao demandar esta formación que vos habilita para prestar importantes servizos na vosa comunidade”.
Arias incidiu en que este servizo forma parte do tecido impulsado pola Xunta en Lugo, xunto cos Grupos de Intervención Rápida (grumir) e as dotacións de bombeiros, para conseguir “unha atención integral que é preciso dar”.
En materia de emerxencias, Arias destacou a importancia da labor desenvolvida por estas agrupacións de protección civil, que facilitan que se poida cumprir o obxectivo de “dar unha resposta eficaz nun tempo razoable de 20 minutos” á poboación, xa que actúan como complemento aos parques de bombeiros e aos grumires.
A Academia Galega de Seguridade realiza unha programación formativa dirixida maioritariamente a voluntarios de Protección Civil así como membros dos Grupos Municipais de Intervención Rápida e dos servizos municipais de emerxencia, aínda que na provincia de Lugo tamén se prevé algunha actividade orientada a policías locais e bombeiros profesionais.
Polo que se refire ó labor formativo que desenvolve a Academia Galega de Seguridade, a delegada explicou que a programación para o presente exercicio contempla 12 cursos a celebrar en distintos puntos da provincia, que ofrecerán formación en total a 250 persoas. A data de hoxe concluíron xa os de Friol, Sober e Portomarín.
A programación comprende cursos básicos e especializados, como os de prevención e loita contra incendios urbanos e forestais, accidentes en estrada, busca e salvamento en montaña e zonas illadas ou intervención en emerxencias en torres eólicas. Constan dun mínimo de 20 horas lectivas e un máximo de 40.
O principal obxectivo, asegurou Raquel Arias, “é dotar aos voluntarios dos coñecementos necesarios para colaborar cos profesionais das emerxencias”. A delegada destacou esta “valiosa axuda” ao tempo que lembrou o compromiso da Xunta coa ampliación dos servizos de emerxencia profesionais, aludindo ao despregamento da rede de parques de bombeiros na provincia.
Apoio aos concellos para os Grumir
Ao respecto das actividades dos grumir, Raquel Arias incidiu tamén no “importante apoio que supoñen para os concellos” e lembrou que a Consellería de Traballo e Benestar está a tramitar xa as autorizacións para facilitar a contratación anticipada do persoal destas agrupacións.
Arias comunicou que, no que atinxe aos Grumir da Mariña, a Xunta de Galicia xa remitiu a autorización para a contratación anticipada aos concellos de A Pontenova, Cervo e Burela; están pendentes de completar a documentación requirida Ribadeo e Viveiro.
En total, subliñou, esta actuación da Consellería de Traballo e Benestar permitirá a contratación inmediata de 72 traballadores desempregados, ademais de procurar aos municipios un servizo de emerxencias de contrastada eficacia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
