CERVO.-O día 2, as 12,30 horas tivo lugar a inauguración da mostra “Agua” do grupo artístico ‘Outro’ no Museo da Industria de Sargadelos. A mostra, na que colabora o Concello de Cervo a través da súa delegación de Cultura, permanecerá aberta ata o vindeiro 29 de agosto.
COMUNICACIÓN AOS MEDIOS
O concelleiro de Turismo e os membros deste colectivo de artistas inauguraron hoxe esta exposición que permanecerá aberta ao público ata o día 29
A SALA DE EXPOSICIÓNS DO MUSEO DA INDUSTRIA ACOLLE DENDE HOXE A MOSTRA ARTÍSTICA “AGUA”, DO GRUPO ‘OUTRO’
* O Concello de Cervo, a través da súa delegación de Cultura, colabora na organización
Cervo, 2 de agosto de 2008.- Hoxe ás 12.30 horas tivo lugar a inauguración da mostra “Agua” do grupo artístico ‘Outro’ no Museo da Industria de Sargadelos. A mostra, na que colabora o Concello de Cervo a través da súa delegación de Cultura, permanecerá aberta ata o vindeiro 29 de agosto.
O acto estivo presidido polo delegado de Turismo, Antonio Basanta -quen desculpou a ausencia do alcalde, Alfonso Villares, e da concelleira de Cultura, Chelo Gallego- e polos propios integrantes do colectivo “Outro” que amosan as súas obras dende hoxe en Sargadelos.
“Outro” xordeu hai dous anos ao abeiro da convivencia dos seus integrantes na escola libre de Sargadelos. Está conformado por creadores multidisciplinares e artistas de diferentes países. No seu curto tempo de vida “Outro” conta con exposicións en lugares coma Vilalba (Lugo), Marratxi (Mallorca), Santa María dá Feira (Portugal) e en Aveiro (Portugal).
Nesta ocasión, “Outro” presenta en Sargadelos creacións có tema da auga coma denominador común. As pezas que se expoñen buscan a reflexión do público sobre a auga coma elemento vital e fonte de vida. As obras presentadas abarcan, pois, diferentes visións -dende a critica á poética- a través de formas, cores e texturas, có obxectivo de trasladar aos ollos do visitante o enorme poder sedutor que a auga ten sobre todos nós.
SAÚDOS. – CONCELLO DE CERVO.
Delegación de Cultura e Xuventude
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
