O CONCELLO DESTINA NESTE EXERCIZO PRETO DE 200.000 EUROS MÁIS QUE O ANO PASADO AOS SERVIZOS SOCIAIS COMUNITARIOS. DIANA DURÁN ASEGURA QUE “APOSTAMOS DECIDIDAMENTE POLOS NOSOS MAIORES E POLA XENTE QUE NOS NECESITA”.
Burela, 26 de maio de 2012. O Concello destina neste 2012 preto de 200.000 euros máis que o ano pasado ao servizos sociais comunitarios. Neste apartado están incluídos o concepto de mantemento e a axuda no fogar, tanto a atención básica coma a dependencia.
O presuposto dos servizos sociais comunitarios para este ano ascende a 601.101,18 euros, arredor de 186.000 euros máis que no 2011, segundo os datos facilitados pola concelleira de Servizos Sociais, Diana Durán. Ese departamento conta con dúas traballadoras sociais e unha educadora familiar “e inclúe o concepto de mantemento dos servizos sociais comunitarios e a axuda no fogar, tanto a atención básica coma a dependencia”. A edil popular indica que “aí está implícita a xestión dos programas de atención temperá, emerxencia social, prevención da dependencia, ximnasia preventiva e fisioterapia, educación e sensibilización sociocomunitaria e tamén diagnóstico social participativo”.
Ao ano o servizo de atención temperá, que ten carácter comarcal e no que traballan dúas persoas licenciadas, supón un desembolso de 63.867,90 euros. A emerxencia social destínanse 6.000 euros. Prevención da dependencia, que inclúe os programas Dalle vida aos teus anos e Apoio á dependencia, conta cun orzamento de 23.200 euros. Á ximnasia preventiva e fisioterapia destínanse 24.700 euros. Educación e sensibilización sociocomunitaria, é decir a educación maternal e as actividades específicas de muller contan cun presuposto de 36.811,23 euros. E o diagnóstico social participativo (colectivos con necesidades específicas) supón un gasto de 30.000 euros anuais.
Diana Durán explica que “dos 601.101,18 euros do orzamento total dos servizos sociais comunitarios, solicítanse á Xunta un total de 428.301,29 euros, e a outras fontes de financiamento, como por exemplo á Deputación Provincial de Lugo, demandámoslle 74.394,64 euros para axuda no fogar, ximnasita preventiva e fisioterapia. E solicitamos á Xunta outros 11.464 euros con cargo á subvención de abandono escolar. E o Concello destina de fondos propios aos servizos sociais comunitarios 86.940,75 euros”. A concelleira que dirixe este departamento asegura que “nestes tempos difíciles nos que a todos nos toca apretar o cinto non podemos baixar a garda nos servizos sociais e apostamos decididamente pola atención aos nosos maiores, á xente con necesidades específicas, á xente nunha situación de emerxencia social… de aí que neste 2012 ampliásemos o noso presuposto”.
Durán adiantou que “o Concello de Burela xa recibiu da Xunta o anticipo das axudas para servizos sociais, cinco meses antes que no ano anterior. Recibimos xa o 50% do custe das dúas traballadoras sociais e o primeiro trimestre da axuda no fogar a persoas dependentes. Estamos a falar dunha cantidade que supera os 40.000 euros”. A concelleira popular lembrou que “en anos anteriores os concellos comezaban a cobrar estar axudas no mes de outubro, máis ou menos, polo que esta axilización permite ás entidades locais mellorar a súa situación financieira con respecto á prestación dos servizos sociais. Esto prodúcese grazas ao novo decreto de servizos sociais comunitarios posto en marcha pola Xunta a principios deste ano, no que se establecía o pago nos primeiros meses do ano por ditos conceptos, algo que alivia a situación actual dos concellos”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
