IDEOLOXÍA OU CABRÓNS?
Dunha vez por todas hai que diferenciar o que é ideoloxía do que é ser un cabrón, para non confundirse, para non ser un cabrón crendo que non o es e así quedar tranquilo, ir a misa o domingo e festas de gardar facerlle a comuñón o pequeno e votar cando che manden.
As cousas claras e o chocolate espeso: Pensar que todas as persoas sen distinción de raza, sexo ou relixión somos iguais non é ideoloxía. Pensar que todas as persoas teñen os mesmos dereitos non é ideoloxía. Pensar que os homosexuais poden formalizar a súa situación, casar, vivir xuntos, non é ideoloxía, chámese ou non matrimonio. Pensar que todos somos iguais ante a lei a pesar do teu diñeiro ou cor de pel non é ideoloxía. Non é ideoloxía, pensar o contrario é odio.
E algún dirá, pero é que eu… Pero é que o teu nada, e punto. Que non é algo que se me ocorreu a min agora, así, de súpeto. Parece moi radical o exposto no parágrafo anterior? Non, todo o anterior recólleo a declaración universal de dereitos humanos. Si, onde pon “Os homes nacen e permanecen libres e iguais en dereitos” non é un chiste, non son palabras baleiras, non está escrito aí para quede ben e despois non facerlle ningún caso. Non foi escrito por “roxosocialistascomunistasxudeomasones”. Se a túa ideoloxía non é esa, se a ideoloxía do goberno ao que votas non é esa, es un cabrón, non te escudes en nada.
Non respectas á xente e punto. Non era ideoloxía os que pensaban que os escravos tamén eran persoas, por moi tachados de radicais que fosen na súa época. Dentro de mil anos mirarannos con asombro e desprezo como nós miramos esas inefables fotos en branco e negro. Os homófobos de agora son os escravistas de outrora.
Tamén o di a constitución, aínda que o día que queiramos podémola cambiar para que non contradiga as nosas consignas. Di tamén que todos temos dereito a ser educados e curados en caso de enfermidade ou accidente. Todo o que sexa estar en contra diso, non é ideoloxía, é ir contra a xente. E hai moita xente en contra da xente.
En cambio, si é ideoloxía querer colectivizar os medios de produción, subir ou baixar os impostos, dar máis ou menos axudas, apoiar a propiedade privada dos grandes e moi grandes, crear un estados centralizado ou federal, etc. etc. etc. Imos, para que se nota a diferenza e non se confunda a xente.
Si é ideoloxía cambiar materias e coidadosamente obviar o rexeitamento á homofobia ou ás desigualdades. Quitádevos xa a careta dunha puñetera vez.
Alfonso Otero Regal
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
