O PSOE de Burela di que sobran dedicacións exclusivas do goberno municipal e critica o absentismo e inutilidade do concelleiro de obras

Fai tempo dende o PSdeG PSOE de Burela vimos denunciando que sobran dedicacións exclusivas no Concello. Como as administracións locais co tema da crise teñen menos ingresos autonómicos e estatais, e tamén menos importe económico nas subvencións, o primeiro que deberían facer e dar exemplo e restar dedicacións e soldos. Sen embargo, en Burela optouse por todo o contrario. Lembrar que neste momento hai tres dedicacións exclusivas: a do alcalde, a da concelleira de servizos sociais e a do concelleiro de obras. É decir, á conta de todos os burelaos, atoparon a complexa ecuación da felicidade.

Esta última, a do concelleiro de obras, chócanos moito pois dende fai un ano que gobernan nunca nos deron unha alegría de que se conseguira algunha inversión importante para o concello, algunha xestión positiva para o noso desenvolvemento, ou algunha iniciativa útil que xustificara a rémora que supón para o presuposto en detrimento doutros recortes que non se recatan en levalos a cabo . E nos preguntámonos, se nun ano perdido para o pobo no que todo se resumeu no fácil recurso de “a situación é a que é”, que se contradice totalmente coa función que teñen que desempeñar por ser elexidos para gobernar, para que lle pagamos unha dedicación a un concelleiro?, ou a dous?, ou a tres? ¡¡Como se sobrasen os cartos!! Pero isto non queda aí. Día a día este concelleiro nos demostra o seu entusiasmo, axilidade no traballo e saber facer as cousas. Nomeemos un exemplo: o día 20 fixo un mes que apareceu roto un dos xogos do parque de Rosalía de Castro. Creemos que non fai falla dicir que é o parque mais visitado de Burela e co bo tempo que está a facer goza de moito mais persoal do habitual. Como actuou este concelleiro para subsanar o problema?: inutilizouno. Pero non de todo, pois os nenos seguen a usalo chegando a ser perigoso e incumprindo todalas normas básicas de mantemento e inspección de parques infantís. E así leva un mes. E para iso , con esa capacidade de xestión que o caracteriza, lle estamos pagando un bó soldo. Está claro que o seu posto de traballo foi o premio do sorteo millonario das tres dedicacións, pois danos claros exemplos todolos días do seu absentismo e inutilidade. Haber se con estas verbas conseguimos levantalo do asento para algo máis que desempeñar o papel de falso xestor con mano dura que desempeña no Concello.