A FUNDACIÓN IMDECUM E O CONCELLO DE BURELA ESTREITAN LAZOS A TRAVÉS DUN CONVENIO DE COLABORACIÓN
Martes 29 de maio. A Fundación Imdecum (Impulso ao Deporte, Cultura e Turismo na Mariña) e o Concello de Burela veñen de asinar un convenio de colaboración para potenciar a práctica deportiva saudable e a realidade cultural entre os veciños e veciñas localidade, así como dinamizar o potencial turístico do municipio dentro e fóra da comarca da Mariña. O presidente da entidade, Marcelino Luna, foi recibido no consistorio polo alcalde, José María González Barcia, para formalizar o devandito acordo.
“Con este convenio damos o primeiro paso para iniciar unha colaboración firme con proxectos de futuro porque entendemos que os obxectivos que persegue Imdecum son tamén beneficiosos para a vila de Burela. Polo ben do noso concello, intentaremos facilitar o labor da Fundación en todo o que estea dentro das nosas posibilidades” asegurou José María González Barcia.
Pola súa banda, Marcelino Luna salientou “a cooperación con institucións e municipios como algo fundamental na liña de finalidades de Imdecum”. “A vida deportiva e social de Burela constitúe un referente no desenvolvemento de actividades; por iso, unindo esforzos, coa realización de eventos en conxunto e compartindo instalacións poderemos contribuír a esa dinamización da vila e da bisbarra”, explicou o presidente da fundación.
As liñas de colaboración previstas no convenio contemplan unha base de traballo conxunto entre ambas as entidades no desenvolvemento de actividades que redunden na consolidación do deporte, facendo fincapé na aprendizaxe de calidade; na difusión e preservación da riqueza cultural e natural do concello e na promoción do potencial turístico da contorna.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
