RIBADEO ACOLLERÁ A CELEBRACIÓN DUN OBRADOIRO DE TÉCNICA ALEXANDER. A INSCRICIÓN ESTARÁ ABERTA ATA O VINDEIRO 2 DE XULLO.
Ribadeo, 14 de xuño de 2012. A asociación cultural Musiqueando, en colaboración coa Escola Municipal de Música e Danza de Ribadeo, o Concello de Ribadeo, a Vicepresidencia Primeira da Deputación e máis a asociación Amadores da Música, organizan os vindeiros 9 e 10 de xullo un obradoiro de técnica Alexander dirixido a ensinantes de música ou intérpretes, xa sexan de canto, instrumentistas ou vencellados ás artes escénicas. Esta actividade será impartida por Marta Vázquez, profesional acreditada para impartir técnica Alexander.
Segundo explican desde a EMMeD de Ribadeo “o obxectivo desta actividade é que as persoas participantes sexan capaces de empregar o seu corpo con máis soltura e menos rixidez, sendo a técnica Alexander unha práctica esencial na aprendizaxe tanto das artes escénicas coma musicais. A través da devandita técnica preténdese conseguir que as persoas que se acheguen ao obradoiro sexan quen de redirixir a tensión innecesaria e máis a rixidez muscular, propiciando unha interpretación máis fluída e máis viva axudando a un mellor resultado final. Tamén axuda a desprenderse das tensións crónicas que se van acumulando ao longo dos anos e que poden chegar a condicionar o xeito de actuar, de moverse, de cantar ou de tocar un instrumento”.
O obradoiro que se vai celebrar en Ribadeo está dividido en dous días (15 horas), en horario de mañá e tarde, e con práctica tanto grupal coma individual con sesións de 45 minutos nas que a docente analizará as necesidades específicas de cada persoa participante co obxectivo de dar resposta ás mesmas.
A data límite para a inscrición é o luns 2 de xullo e ten un custe de 50 euros para o público xeral e de 35 euros para o alumnado e profesorado da EMMeD de Ribadeo, músicos/as da BMR, persoas desempregadas ou familias numerosas.
Os interesados poden solicitar máis información no teléfono 982.130.856.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
